Respýblikalyq onomastikalyq komissiia qoǵam belsendileriniń Semei qalasyndaǵy áýejaiǵa uly Abaidyń esimin berý týraly bastamasyn qoldady.
«Byltyrǵy jyly qalalyq áýejaidy Abai atymen ataý týraly usynys túsken bolatyn. Bul usynysty onomastikalyq komissiia maquldaǵan soń kúzde respýblikaǵa jiberilgen edi.
Minekei, usynys sol jaqtan da qoldaý tapty. Aldaǵy ýaqytta resmi jarlyq shyǵyp Semeidegi áýejaiǵa Abai ataýy beriledi», - deidi Semei qalalyq mádeniet jáne tilderdi damytý bóliminiń bas mamany Anargúl Búrkitbaeva.
Semeidegi áýejaidyń atyn aýystyrý máselesi budan buryn Aqordada eks-Memhatshy Marat Tájinniń tóraǵalyǵymen Abai Qunanbaiulynyń 175 jyldyq mereitoiyn daiyndaý jáne ótkizý jónindegi Memlekettik komissiianyń otyrysynda sóz bolǵan.
Marat Tájin Memkomissiiaǵa Memleket basshysyna úsh bastamamen shyǵýdy usynǵan:
Semei qalasyndaǵy áýejaiǵa Abai esimin berý;
Ádebiet jáne óner salasyndaǵy memlekettik syilyqty Abai atyndaǵy memlekettik syilyq dep ózgertý;
Qazaqstannyń elshilikteriniń bazasynda «Abai ortalyqtaryn» qurý.
Al Ortalyq kommýnikatsiia qyzmetinde ótken brifingte Shyǵys Qazaqstan oblysynyń ákimi Danial Ahmetov 2020-2025 jylǵa arnalǵan Semeidi damytý jospary qabyldanǵanyn aitqan.
Osy jospardyń negizinde Semeide 4 myńǵa tarta jańa jumys orny ashylyp, 133 kópqabatty úi paidalanýǵa beriledi", – degen edi óńir basshysy.
