Búgin Semeı qalasyndaǵy Álıhan Bókeıhan ýnıversıtetinde «AMANAT» partıasynyń «TURGYNDAR AMANATY» jobasy aıasynda «Úıdi basqarý: jaýapkershilik, senim, nátıje» atty óńirlik forým ótti. Sharaǵa oblys ákimi Berik Ýálı, «AMANAT» partıasynyń hatshysy Erjan Jylqybaev qatysty, dep habarlaıdy Dalanews.kz.
Forým barysynda kóppáterli turǵyn úılerdi basqarýdyń ózekti máseleleri, múlik ıeleri birlestikteri men páter ıeleri kooperatıvteriniń damýy, turǵyndarmen tıimdi komýnıkasıa ornatý, sondaı-aq basqarý tetikterin jetildirý baǵyttary talqylandy.
«Joba aıasynda kóppáterli turǵyn úılerdi basqarý prosesteriniń ashyqtyǵyn arttyrý, qarjylyq eseptilikti sıfrlandyrý, turǵyndardyń sheshim qabyldaý prosesine belsendi qatysýyn qamtamasyz etý, sondaı-aq servıstik qyzmetterdiń sapasyn jaqsartý boıynsha naqty sharalar qarastyrylǵan. Bul óz kezeginde turǵyn úı qoryn tıimdi basqarýǵa, ınfraqurylymnyń jaı-kúıin jaqsartýǵa jáne azamattardyń ómir súrý sapasyn arttyrýǵa múmkindik beredi. Osylaısha, «TURGYNDAR AMANATY» jobasy partıanyń saılaýaldy mindetterin iske asyrýdyń mańyzdy praktıkalyq quraly bola otyryp, Memleket basshysy aıqyndaǵan strategıalyq baǵyttardy júzege asyrýǵa eleýli úles qosady», – dedi aımaq basshysy.
Jıynda «AMANAT» partıasynyń hatshysy Erjan Jylqybaev «TURGYNDAR AMANATY» jobasynyń negizgi baǵyttary men mańyzyn túsindirdi.
Forýmda Semeı qalasynyń ákimi Ádilet Qojanbaev, Kýrchatov qalasynyń ákimi Bolat Ábdiralıev, oblys ortalyǵyndaǵy múlik ıeleri birlestikteri (MIB) men páter ıeleri kooperatıvteriniń (PIK) tóraǵalary óz tájirıbelerimen bólisip, usynystaryn jetkizdi.
Oblys boıynsha turǵyn úı qory 2084 kóppáterli turǵyn úıdi quraıdy, onyń ishinde 1588-i Semeı qalasynda ornalasqan. Turǵyn úılerdiń jartysyna jýyǵy 1970 jyldarǵa deıin salynǵan. Negizgi bóligi Semeı, Aıagóz jáne Kýrchatov qalalarynda shoǵyrlanǵan. Kýrchatov qalasynda 81 kóppáterli turǵyn úıge 3 basqarý sýbektisi qyzmet kórsetedi. 2023-2025 jyldary Semeı qalasynda 169 aýla aýmaǵy abattandyryldy.
Forým aıasynda partıa qataryna jańadan qabyldanǵan azamattarǵa partıalyq bıletter tapsyrylyp, birqatar múlik ıeleri birlestikteri men páter ıeleri kooperatıvteriniń ókilderi oblys ákiminiń Alǵys hatymen marapattaldy.
