Semeide «Týǵan jerge týyńdy tik» investitsiialyq forýmy bastaldy. Aýqymdy sharaǵa Qazaqstan Respýblikasy Parlamenti jáne Senat depýtattary, sheteldik jáne otandyq investorlar, Abai oblysynan shyqqan iri kásipkerler, qoǵam qairatkerleri qatysýda. Mańyzdy jiynǵa 500-ge jýyq kásipker shaqyrylǵan, dep habarlaidy Dalanews.kz
Forýmnyń ashylý saltanatynda oblys ákimi Berik Ýáli óńirdiń investitsiialyq áleýeti týraly baiandady.
«Búgin Abai eliniń damýyna arnalǵan mańyzdy qadam - «Týǵan jerge týyńdy tik» investitsiialyq forýmyna jinalyp otyrmyz. Bul forým – ózara oi bólisetin, pikir almasatyn, eń bastysy, bolashaqqa birge qadam basýǵa múmkindik beretin alań. Memleket basshysy Qasym-Jomart Kemeluly Toqaev «Abai týǵan topyraqqa kelgen adam bul jerdiń kiesin sezinedi, qasietin uǵady. Semei – uly dalanyń ulaǵatty ólkesi. Bul – Alash arystarynyń izi qalǵan, ziialylarymyz eldiń bolashaǵy úshin kúresken qasterli óńir. Semei – ulttyq ǵylym men bilimniń, óner men mádeniettiń tarihi ortalyǵy» dep atap ótken qasietti Semei tórine kelip otyrsyzdar. Abai oblysy – jańadan qurylǵanymen, áleýeti joǵary aimaq. Tabiǵi resýrstarymyz, eńbekqor halqy, óndiristik infraqurylymy men geografiialyq ornalasýy – turaqty damýǵa negiz bola alady. Alaida, osy múmkindikterdi iske asyrý úshin jergilikti kásipkerler men investorlardyń belsendiligi aýadai qajet», - dedi aimaq basshysy.
Qolaily geografiialyq ornalasýynyń arqasynda Abai oblysy Qytai, Resei jáne Ortalyq Aziiany bailanystyrady. Bul turǵydan, iri halyqaralyq saýda dálizderine shyǵatyn kólik-logistikalyq habty damytýǵa úlken múmkindik bar.
Aldaǵy jyldary óńirde birqatar iri investitsiialyq jobalar júzege asyrylmaq. Solardyń biri – Aiagóz–Baqty temirjoly men qurǵaq porttyń qurylysy.
Qazirgi tańda oblysta 8 myńnan astam turaqty jumys ornyn qurýǵa baǵyttalǵan, jalpy quny 2,7 trln teńge bolatyn
38 perspektivaly investitsiialyq jobadan turatyn biryńǵai pýl qalyptasty.
2024 jyldyń qorytyndysy boiynsha naqty sektordaǵy negizgi kapitalǵa salynǵan investitsiialar kólemi 575,3 mlrd teńge boldy. Al tikelei sheteldik investitsiialar kórsetkishi – 775,3 mln AQSh dollary.Byltyr 14,4 mlrd teńgege 8 joba iske asyrylyp, 330 jumys orny quryldy. 2025 jyly 31,1 mlrd teńgege 10 investitsiialyq jobany iske asyryp, 767 jumys orny ashylmaq. Búginde 1 mlrd teńgege 1 joba iske qosyldy.
Biyl 10 milliard teńgege «SemAz» JShS ónerkásiptik alańdaryn keńeitip, jylyna 6 myń arnaiy tehnika shyǵaratyn jeli jańartylady. «Kazpoligraf» JShS jylyna qýattylyǵy 40 million qaǵaz ben karton buiymdary óndirisin iske qosady.
Oblys ákimi osy ýaqytqa deiin 50-den astam sheteldik investormen kezdesý ótkizdi. Sonymen qatar, ótken aida Abai oblysy delegatsiiasy Shyńjań Uiǵyr avtonomiialyq aýdanyna jumys saparymen baryp, «Úlken Altai» sýbóńirlik yntymaqtastyq jónindegi halyqaralyq konferentsiiasyna qatysty. 20 kezdesý ótkizip, jalpy somasy – 1,5 mlrd AQSh dollarynan asatyn 15 yntymaqtastyq týraly memorandýmǵa qol qoiyldy.
Osy sapardyń nátijesinde Semei qalasyndaǵy «Óndiris» indýstriialyq aimaǵynda «SUTO KAZAKHSTAN» kásiporny qytai kompaniiasymen birlesip, jalpy somasy 50 mln AQSh doll. quraityn chipter men elektrondy qondyrǵylardy óndiretin zaýyttyń qurylysy bastaldy.
Semeidegi jer kólemi 96 gektardy quraityn «Óndiris» indýstriialyq aimaǵynda tórt joba júzege asyrylýda. Kásipkerler men investorlar tarapynan óndiristik alańdarǵa degen qajettilik joǵary
Sondyqtan indýstriialyq aimaqtyń aýmaǵyn 600 gektarǵa deiin keńeitý jumysy qolǵa alynady.
Forým qorytyndysynda 14 ózara yntymaqtastyq memorandýmyna qol qoiylady dep josparlanyp otyr.
Forým aiasynda oblystyń óndiristik, aýyl sharýashylyq áleýetin kórsetetin úlken kórme jurtshylyq nazaryna usynyldy. Jiynǵa kelgen qurmetti qonaqtar oblys ákimimen birge kórmeni tamashalady.
