Merekelik marapatqa ıe bolǵandardy quttyqtaý úshin SHQO ákiminiń orynbasary Nurjan Jumadilov arnaıy kelip merkeli medalderdi tabys etti. «Qazaqstan Respýblıkasynyń Táýelsizdigine 30 jyl» merekelik medalimen Semeı qalasy jedel járdem stansıasynyń dırektory Vladımır Lı men «Sentr semı» qoǵamdyq qorynyń jetekshisi Janna Jıbraeva marapattaldy.
– Táýelsizdik jyldary elimizde túrli sala jan-jaqty damydy. Búgingi merekelik keshte sala mamandyrynyń eńbegi janyp, marapatqa qoljetkizýi sol eseli eńbektiń óteýi dep bilemin. Elbasy Nursultan Nazarbaevtyń bastamasymen Qazaq eli tolaǵaı tabystarǵa jetti. Búginde sol tabysqa bastaıtyn kemel joldy Prezıdentimiz Qasym-Jomart Toqaev ara qaraı jalǵaýda. Biz shyǵysqazaqstandyqtar memleketimizdi ósip-órkendetý jolynda aıanbaı eńbek etip, Táýelsizdigimizdiń irgetasyn bekemdeı túsetinimizge senimdimin. Dál qazir oblysymyzdyń ár aýdanynda Táýelsizdik merekesin joǵary deńgeıde atap ótip, 30 jylǵy eńbek sarapqa salynyp jatyr. Aldaǵy ýaqytta da osy qarqynymyzdy joǵaltpaı, bıik belesti baǵyndyrýǵa arlyqtaryńyzdy shaqyramyn, – dedi Nurjan Jumadilov.
Táýelsizdik jyldary Shyǵys Qazaqstan oblysy turǵyndarynyń sany artyp, halyqtyń áleýmettik-ekonomıkalyq jaǵdaıy arta túskeni anyq. Aýylsharýashylyǵy, óndiris, áleýmettik jáne densaýlyq saqtaý salasynda irgeli alǵa jyljýshylyqtar oryn aldy.
Óz keziginde SHQO ákimniń orynbasary Nurjan Jumadilov Óskemen men Semeıdiń áýejaıyna kúrdeli jóndeý jumystarynyń júrgizilip, zaman talabyna saı bolýy úlken jetistik ekenin atady. Merekelik jıynnyń sońy dýmandy konsertke ulasyp, kópshilik qaýymnyń kóńil kúıi bir kóterilip qaldy.
