Semei qalasynyń Qaraǵaily jáne Iýnost yqsham aýdandarynda saiabaqtar salynady. Abai oblysynyń ákimi Berik Ýáli jańadan boi kóteretin nysandardyń jobasymen tanysty, dep habarlaidy Dalanews.kz
«Iýnost» shaǵyn aýdanyndaǵy saiabaqta kishi sáýlet nysandaryn ornatý, fýtbol, basketbol, balalarǵa arnalǵan oiyn alańdaryn salý josparlanǵan. Demalys ornynyń jalpy uzyndyǵy 1 shaqyrymdy quraidy.
Qaraǵaily shaǵyn aýdanynda salynatyn saiabaqta jasyl jelek otyrǵyzylyp, serýen joldary, sahna jáne mádeni-kópshilik is-sharalarǵa arnalǵan alańdar boi kóteretin bolady.
Saiabaq zamanaýi talaptarǵa sai jabdyqtalyp, turǵyndarǵa jaily orta qalyptastyrýǵa baǵyttalǵan.
Oblys ákimi merdiger kompaniia ókilderine qurylysty bastap,sapaly ári merziminde aiaqtaýdy tapsyrdy.
"Bul saiabaqtardyń ereksheligi, halyqqa qyzmet kórsetetetin, turǵyndardyń demalýyna, balalardyń alańsyz oinaýyna múmkindik beretin qoǵamdyq oryndar qarastyrylǵan. Semeidi jasyl jelekti qalaǵa ainaldyrý úshin shahardaǵy saiabaqtar sanyn kóbeitýimiz kerek. Tek qana búgingi senbilik barysynda shaharda 400-ge jýyq shyrsha, kók terek kóshetteri otyrǵyzyldy. Bul baǵyttaǵy jumysty jandandyramyz. Oblys ortalyǵyndaǵy basqa saiabaqtardy da jańǵyrtyp, jańartatyn bolamyz", – dedi aimaq basshysy.
