Aitýly sharaǵa qatysýshylardy Abai oblys ákimi apparatynyń basshysy Jasulan Sársebaev aq tilegin arnap, jinalǵan qaýymdy Eńbek kúnimen quttyqtady.
Baiqaýdyń oblystyq kezeńin qorytyndylaý barsynda Abai oblysynda «Úzdik eńbek áýleti» atalymy boiynsha jalpy eńbek ótilderi 592 jyldy quraityn temirjolshylar áýletiniń ókili Eńsebaevtar úzdik dep tanyldy.
Al «Eńbekshi jastardyń úzdik tálimgeri» atalymy boiynsha Jarma aýdandyq aýrýhanasynda 39 jyl eńbek etip kele jatqan Sara Súleimenova jeńimpaz atansa, «Úzdik jas óndiris qyzmetkeri» nominatsiiasyna Áigerim Aǵatanova ie boldy.
Sonymen qatar, sharýa qojalyqtary, zaýyttar men túrli kásiporyndardyń ókilderi de alǵys hatqa ie boldy.
Eńbek ozattaryn marapattaý rásiminen keiin Semei qalasyndaǵy Ortalyq Arbatta bos jumys oryndary jármeńkesi, «Eńbek adamy» kórmesi ótti. Kórmede memlekettik grant iegerleri azamattardy óz kásipterimen tanystyryp, qalai jumys jasaý kerektigi jaiyndaǵy is-tájiribelerimen bólisti.
Budan keiin merekelik is-shara Á.Qashaýbaev atyndaǵy memlekettik filarmoniia ónerpazdary daiyndaǵan kontserttik baǵdarlamaǵa ulasty.
