Semeide qoǵamdyq orynda tártip buzǵan sheteldikterge elge kirýge shekteý qoiyldy, dep habarlaidy Dalanews.kz.
Jelide Abai dańǵyly boiyndaǵy bir mekeme mańynda kúndizgi ýaqytta eki sheteldik dáret syndyryp jatqany kórinetin video taraǵan.
Politsiia beinebaqylaý kameralary kómegimen kúdiktilerdi anyqtaǵan.
"Olar 37 jáne 43 jastaǵy sheteldik azamattar bolyp shyqty. Bul jaittyń videosy áleýmettik jelilerde oqiǵa bolǵannan keiin bir ai ótken soń jariialanǵan. Osy ýaqyt ishinde olar Qazaqstan Respýblikasy aýmaǵynan shyǵyp ketken. Soǵan qaramastan olardyń áreketine quqyqtyq baǵa berildi. Politsiianyń bastamasymen olardyń Qazaqstan Respýblikasy aýmaǵyna kirýine bes jyl merzimge tyiym salý týraly sheshim qabyldandy", - dedi óńir politsiiasy.
Ishki ister ministrligi tiisti sharalar qabyldaý úshin aqparatty Qazaqstan Respýblikasy Syrtqy ister ministrligine joldaǵan.
Eske salaiyq, buǵan deiin Astananyń ortalyǵynda dáret syndyrǵan eki qytailyqqa Qazaqstanǵa kirýge tyiym salyndy.
