Elimizdegi basqa óńirdegilerdei shaharda da tiisti meditsinalyq kómek kórsetýge arnalǵan qurylǵylar jetispeidi. Osy rette koronavirýs infektsiiasy men pnevmoniiaǵa shaldyqqandar úshin Bobrov tynys alý apparaty Elektrotehnikalyq kolledjde jasalyp jatyr. Bul qurylǵy naýqastyń tynys alýynda mańyzdy ról atqarady.
Ottegi beretin qurylǵy 3D printer kómegimen quiylyp, jasalady. Bobrov apparatyn jasaýǵa shamamen 1 jarym-2 saǵat ýaqyt ketedi. Munda kúnine osyndai 15 qurylǵy daiyndalady. Meditsinalyq qurylǵy dárigerlerdiń jumysyn jeńildetip qana qoimai, syrqat jandardyń qaýipti indetti jeńip shyǵýyna yqpal etedi.
Oqý ornynyń basshysy «qazirgi tańda 100-den astamy qaladaǵy suranys bildirgen aýrýhanalarǵa jetkizilip, tolyq qamtamasyz etildi. Sondai-aq oblystaǵy basqa aýdandardaǵy aýrýhanalarǵa jetkizilý kózdelingen.Bul Apparat germetikalyq rezeńke qaqpaǵy bar jarty jáne bir litr kólemdegi shyny ydystan qurastyrylǵan. Qurylǵy ońai kóringenimen onyń negizgi maqsaty otteginiń qysymyn durystap turý» deidi Azat Sárpekov.
Qýanysh Rahmetollauly
