ەلىمىزدەگى باسقا وڭىردەگىلەردەي شاھاردا دا ءتيىستى مەديسينالىق كومەك كورسەتۋگە ارنالعان قۇرىلعىلار جەتىسپەيدى. وسى رەتتە كوروناۆيرۋس ينفەكسياسى مەن پنيەۆمونياعا شالدىققاندار ءۇشىن بوبروۆ تىنىس الۋ اپپاراتى ەلەكتروتەحنيكالىق كوللەدجدە جاسالىپ جاتىر. بۇل قۇرىلعى ناۋقاستىڭ تىنىس الۋىندا ماڭىزدى ءرول اتقارادى.
وتتەگى بەرەتىن قۇرىلعى 3D پرينتەر كومەگىمەن قۇيىلىپ، جاسالادى. بوبروۆ اپپاراتىن جاساۋعا شامامەن 1 جارىم-2 ساعات ۋاقىت كەتەدى. مۇندا كۇنىنە وسىنداي 15 قۇرىلعى دايىندالادى. مەديسينالىق قۇرىلعى دارىگەرلەردىڭ جۇمىسىن جەڭىلدەتىپ قانا قويماي، سىرقات جانداردىڭ ءقاۋىپتى ىندەتتى جەڭىپ شىعۋىنا ىقپال ەتەدى.
وقۋ ورنىنىڭ باسشىسى «قازىرگى تاڭدا 100-دەن استامى قالاداعى سۇرانىس بىلدىرگەن اۋرۋحانالارعا جەتكىزىلىپ، تولىق قامتاماسىز ەتىلدى. سونداي-اق وبلىستاعى باسقا اۋداندارداعى اۋرۋحانالارعا جەتكىزىلۋ كوزدەلىنگەن.بۇل اپپارات گەرمەتيكالىق رەزەڭكە قاقپاعى بار جارتى جانە ءبىر ليتر كولەمدەگى شىنى ىدىستان قۇراستىرىلعان. قۇرىلعى وڭاي كورىنگەنىمەن ونىڭ نەگىزگى ماقساتى وتتەگىنىڭ قىسىمىن دۇرىستاپ تۇرۋ» دەيدى ازات سارپەكوۆ.
قۋانىش راحمەتوللا ۇلى
