– Kópbalaly otbasylarǵa páter berý baǵdarlamasyn buljytpai oryndaýdamyz.
Kópbalaly analar – ultymyzdyń maqtanyshy, halqymyzdyń bailyǵy.
Biz olardyń aldynda qaryzdarmyz, olarǵa iilip turyp alǵys aityp, járdem jasaýǵa tiispiz.
Osy sebepti de búgin sizderge jańa páterdiń kiltin tabystaý men úshin úlken mártebe. Oblystaǵy barsha kópbalaly ana baspanaly bolyp, óz oshaǵynyń tútinin túteýi úshin bar kúshimizdi jumsaimyz, – dedi turǵyndardy qonys toiymen quttyqtaǵan oblysy ákimi.
Al analardyń qýanyshynda shek joq. Bes balanyń anasy Symbat Nurǵalieva úi kezegin 12 jyl boiy kútipti. Baspanaly bolýdy armandaǵan kópbalaly ananyń oblys ákimdigine alǵystan basqa aitary joq.
– Búgin bizdiń áýlet úshin mereili kún. Baspanany 12 jyl boiy kúttim. Minekei, búgin oblys ákiminiń qolynan páterimniń kiltin aldym. Osy úshin de alǵysymdy aitamyn. Bastysy balalarymnyń óz bólmesi bolatyn boldy. Balalarym kim kóringenniń qabaǵyna qaramai, óz úiinde asyr salyp júrgenin armandaýshy edim. Uzaq kútken armanym oryndaldy, – deidi aǵynan jarylǵan ana.
Saltanatty shara sońynda oblys ákimi baspanaly bolǵan kópbalaly analardyń úilerine kirip, taǵy bir márte qonys toiymen quttyqtady.
