– كوپبالالى وتباسىلارعا پاتەر بەرۋ باعدارلاماسىن بۇلجىتپاي ورىنداۋدامىز.
كوپبالالى انالار – ۇلتىمىزدىڭ ماقتانىشى، حالقىمىزدىڭ بايلىعى.
ءبىز ولاردىڭ الدىندا قارىزدارمىز، ولارعا ءيىلىپ تۇرىپ العىس ايتىپ، جاردەم جاساۋعا ءتيىسپىز.
وسى سەبەپتى دە بۇگىن سىزدەرگە جاڭا پاتەردىڭ كىلتىن تابىستاۋ مەن ءۇشىن ۇلكەن مارتەبە. وبلىستاعى بارشا كوپبالالى انا باسپانالى بولىپ، ءوز وشاعىنىڭ ءتۇتىنىن تۇتەۋى ءۇشىن بار كۇشىمىزدى جۇمسايمىز، – دەدى تۇرعىنداردى قونىس تويىمەن قۇتتىقتاعان وبلىسى اكىمى.
ال انالاردىڭ قۋانىشىندا شەك جوق. بەس بالانىڭ اناسى سىمبات نۇرعالييەۆا ءۇي كەزەگىن 12 جىل بويى كۇتىپتى. باسپانالى بولۋدى ارمانداعان كوپبالالى انانىڭ وبلىس اكىمدىگىنە العىستان باسقا ايتارى جوق.
– بۇگىن ءبىزدىڭ اۋلەت ءۇشىن مەرەيلى كۇن. باسپانانى 12 جىل بويى كۇتتىم. مىنەكەي، بۇگىن وبلىس اكىمىنىڭ قولىنان پاتەرىمنىڭ كىلتىن الدىم. وسى ءۇشىن دە العىسىمدى ايتامىن. باستىسى بالالارىمنىڭ ءوز بولمەسى بولاتىن بولدى. بالالارىم كىم كورىنگەننىڭ قاباعىنا قاراماي، ءوز ۇيىندە اسىر سالىپ جۇرگەنىن ارمانداۋشى ەدىم. ۇزاق كۇتكەن ارمانىم ورىندالدى، – دەيدى اعىنان جارىلعان انا.
سالتاناتتى شارا سوڭىندا وبلىس اكىمى باسپانالى بولعان كوپبالالى انالاردىڭ ۇيلەرىنە كىرىپ، تاعى ءبىر مارتە قونىس تويىمەن قۇتتىقتادى.
