– Elimizde 2019 jyldyń 1 sáýirinen bastap ataýly áleýmettik kómekti taǵaiyndaýdyń jańa tártibindegi adam basyna shaqqandaǵy kúnkóris deńgeii 50%-dan 70%-ǵa ózgerdi. Iaǵni 14 949-dan 20789 teńgege deiin. Demek, osydan bylai januiada jan basyna shaqqandaǵy ortasha tabys 70%-dyń sheginen aspaityn bolsa, onda árbir balaǵa 20 789 teńgeden tólenedi.
Sonymen qatar, oblys ákiminiń orynbasary qyzmet kórsetý sapasyn surastyryp, kóptiń kókeiindegi suraqtarǵa jaýap berdi. Anyqtalǵandai, Semei qalasyndaǵy Jumyspen qamtý ortalyǵyna ataýly áleýmettik kómek alý úshin kún saiyn 60-tan astam adam júginedi. Turǵyndar kezekte kóp kútip qalmas úshin ortalyq qyzmetkerleriniń sanyn eki esege kóbeitýge tapsyrma berildi. Budan bólek, ortalyqqa kezekti baqylaý jáne ony retteý júktelgen. Jalpy oblysta, Semei qalasy boiynsha AÁK taǵaiyndaýdyń úlesi óte joǵary. Mundaǵy ár mamannyń júktemesi úlken.
Aǵymdaǵy jyldyń sáýir aiynan bastap qazirgi ýaqytqa deiin Semei qalasyndaǵy Jumyspen qamtý ortalyǵyna 3 978 otbasy ótinish bildirgen, onyń ishinde 1930 januianyń AÁK-ge ótinishi qabyldansa, 1 829 otbasyǵa 261,7 mln. teńgege ataýly áleýmettik kómek taǵaiyndalǵan.
