شىعىس قازاقستان وبلىسى اكىمىنىڭ ورىنباسارى اسەم ءنۇسىپوۆا سەمەي قالاسىنداعى جۇمىسپەن قامتۋ ورتالىعىنا بارىپ، تۇرعىندارعا اتاۋلى الەۋمەتتىك كومەك تاعايىنداۋ جۇمىستارىنىڭ قانداي دەڭگەيدە اتقارىلىپ جاتقاندىعىن تەكسەردى. ااك-كە تاپسىرعان ۇمىتكەرلەرمەن كەزدەسىپ، ونى تاعايىنداۋدىڭ جاڭا ءتارتىبىن ءتۇسىندىردى.

– ەلىمىزدە 2019 جىلدىڭ 1 ساۋىرىنەن باستاپ اتاۋلى الەۋمەتتىك كومەكتى تاعايىنداۋدىڭ جاڭا تارتىبىندەگى ادام باسىنا شاققانداعى كۇنكورىس دەڭگەيى 50%-دان 70%-عا وزگەردى. ياعني 14 949-دان 20789 تەڭگەگە دەيىن. دەمەك، وسىدان بىلاي جانۇيادا جان باسىنا شاققانداعى ورتاشا تابىس 70%-دىڭ شەگىنەن اسپايتىن بولسا، وندا ءاربىر بالاعا 20 789 تەڭگەدەن تولەنەدى.

سونىمەن قاتار، وبلىس اكىمىنىڭ ورىنباسارى قىزمەت كورسەتۋ ساپاسىن سۇراستىرىپ، كوپتىڭ كوكەيىندەگى سۇراقتارعا جاۋاپ بەردى. انىقتالعانداي، سەمەي قالاسىنداعى جۇمىسپەن قامتۋ ورتالىعىنا اتاۋلى الەۋمەتتىك كومەك الۋ ءۇشىن كۇن سايىن 60-تان استام ادام جۇگىنەدى. تۇرعىندار كەزەكتە كوپ كۇتىپ قالماس ءۇشىن  ورتالىق قىزمەتكەرلەرىنىڭ سانىن ەكى ەسەگە كوبەيتۋگە تاپسىرما بەرىلدى. بۇدان بولەك، ورتالىققا كەزەكتى باقىلاۋ جانە ونى رەتتەۋ جۇكتەلگەن. جالپى وبلىستا، سەمەي قالاسى بويىنشا  ااك تاعايىنداۋدىڭ ۇلەسى وتە جوعارى. مۇنداعى ءار ماماننىڭ جۇكتەمەسى ۇلكەن.

اعىمداعى جىلدىڭ ءساۋىر ايىنان باستاپ قازىرگى ۋاقىتقا دەيىن سەمەي قالاسىنداعى جۇمىسپەن قامتۋ ورتالىعىنا 3 978 وتباسى ءوتىنىش بىلدىرگەن، ونىڭ ىشىندە 1930 جانۇيانىڭ ااك-گە ءوتىنىشى قابىلدانسا، 1 829 وتباسىعا 261،7 ملن. تەڭگەگە اتاۋلى الەۋمەتتىك كومەك تاعايىندالعان.