Semeide «Taza Qazaqstan» jobasy aiasynda «Qyzyl kitap betterin paraqtaý» eko-aktsiiasy ótti. Is-sharany «Semei ormany» memlekettik orman tabiǵi rezervaty qalalyq ishki saiasat bólimimen birlese «Taza Qazaqstan» jáne «Parkter marshy» aktsiialary aiasynda uiymdastyrdy, dep habarlaidy Dalanews.kz.
Ortalyq saiabaqta turǵyndar qyzyl kitapqa engen sirek ósimdikter, janýarlarmen tanysýǵa múmkindik aldy. Sonymen qatar Abai atyndaǵy oblystyq kitaphana uiymdastyrǵan taqyryptyq kórmeni tamashalaýǵa múmkindik týdy.
Aktsiianyń negizgi maqsaty – turǵyndar nazaryn qorǵalatyn tabiǵi aýmaqtardyń máselesine aýdarý, qoryqtardy saqtaý men damytýǵa naqty kómek kórsetý, halyqtyń jabaiy tabiǵatqa oń kózqarasyn qalyptastyrý.
2024 jyly rezervatta kóshetterdi aýqymdy túrde otyrǵyzý josparlanǵan. 6 100 gektar jerge 28 million 700 myń aǵash otyrǵyzylady dep kútilýde. Bul naýqan eki kezeńde júredi. Kóshetterdiń 5 000 gektardan astamy kóktemde, al qalǵan 961 gektary kúzde otyrǵyzylady.
