سەمەيدە «تازا قازاقستان» جوباسى اياسىندا «قىزىل كىتاپ بەتتەرىن پاراقتاۋ» ەكو-اكسياسى ءوتتى. ءىس-شارانى «سەمەي ورمانى» مەملەكەتتىك ورمان تابيعي رەزەرۆاتى قالالىق ىشكى ساياسات بولىمىمەن بىرلەسە «تازا قازاقستان» جانە «پاركتەر مارشى» اكسيالارى اياسىندا ۇيىمداستىردى، دەپ حابارلايدى Dalanews.kz.
ورتالىق ساياباقتا تۇرعىندار قىزىل كىتاپقا ەنگەن سيرەك وسىمدىكتەر، جانۋارلارمەن تانىسۋعا مۇمكىندىك الدى. سونىمەن قاتار اباي اتىنداعى وبلىستىق كىتاپحانا ۇيىمداستىرعان تاقىرىپتىق كورمەنى تاماشالاۋعا مۇمكىندىك تۋدى.
اكسيانىڭ نەگىزگى ماقساتى – تۇرعىندار نازارىن قورعالاتىن تابيعي اۋماقتاردىڭ ماسەلەسىنە اۋدارۋ، قورىقتاردى ساقتاۋ مەن دامىتۋعا ناقتى كومەك كورسەتۋ، حالىقتىڭ جابايى تابيعاتقا وڭ كوزقاراسىن قالىپتاستىرۋ.
2024 جىلى رەزەرۆاتتا كوشەتتەردى اۋقىمدى تۇردە وتىرعىزۋ جوسپارلانعان. 6 100 گەكتار جەرگە 28 ميلليون 700 مىڭ اعاش وتىرعىزىلادى دەپ كۇتىلۋدە. بۇل ناۋقان ەكى كەزەڭدە جۇرەدى. كوشەتتەردىڭ 5 000 گەكتاردان استامى كوكتەمدە، ال قالعان 961 گەكتارى كۇزدە وتىرعىزىلادى.
