Búgin "Semei ormany" rezervatynyń Borodýliha filialynyń Kamyshen ormanshylyǵynda Qazaqstan Respýblikasynyń Ekologiia jáne tabiǵi resýrstar ministri E.Nysanbaev pen "Qazaqtelekom" AQ Basqarma tóraǵasy Baǵdat Mýsinniń qatysýymen órtti erte anyqtaý júiesiniń avtomattandyrylǵan monitoring júiesin ornatý oryndary ashyldy,- dep habarlaidy Dalanews.kz
"Semei ormany" rezervatynyń aýmaǵynda erte anyqtaý júiesi iske qosyldy. Ol orman órtterine jedel den qoiýǵa, yqtimal táýekelderdi baǵalaýǵa jáne órtti erte kezeńderde oqshaýlaýǵa múmkindik beredi.
"Semei ormany" rezervaty elimizdiń orman órtine beiim óńirleriniń biri. Aǵymdaǵy jyldyń basynan bastap 42 órt oshaǵy tirkeldi, olardyń edáýir bóligi tabiǵi faktorlardan, sonyń ishinde qurǵaq naizaǵai razriadtarynan týyndady.
Sonymen qatar, investorlarmen kezdesýde JTQ ázirleý kólemin ulǵaitý boiynsha naqty nusqaýlar berildi. Ministr týyndaǵan máselelerdi jedel sheshýdiń mańyzdylyǵyn atap ótip, jaǵdaidy turaqtandyrý jáne kólemderdi ýaqtyly igerý úshin maýsym aiynyń sońyna deiin merzim belgiledi.
Engizilgen júie qazirgi zamanǵy termoviziialyq jáne optikalyq kameralardy paidalana otyryp, orman alqaptarynyń táýlik boiy beinemonitoringine arnalǵan. Kameralar biiktigi 30 metr antenna-dińgek qurylystaryna ornalastyrylady, 360 gradýsqa ainalady jáne jasandy intellekt kómegimen tútin nemese ot belgileri avtomatty túrde erte kezeńderde tanylady.
Órt belgileri anyqtalǵan kezde júie jedel basqarý ortalyǵyna signaldy birden jiberedi, bul órt oshaǵyn tez oqshaýlaýǵa jáne joiýǵa múmkindik beredi.
Bolashaqta júie QR TJM Strategiialyq josparlaý jáne jedel basqarý komandalyq ortalyǵyna qosylady, bul tiimdi basqarý sheshimderin qabyldaý úshin respýblikalyq deńgeide orman alqaptarynyń ortalyqtandyrylǵan monitoringin qamtamasyz etedi.
Osylaisha, "Semei ormany" jobasy-tabiǵatty saqtaýǵa jáne orman alqaptary mańynda turatyn adamdardyń qaýipsizdigin qamtamasyz etýge baǵyttalǵan sheshim.
