«Semei ormany» filialynyń basshysy órtti sóndirýdegi salǵyrttyq úshin jaýapqa tartylady. Buǵan deiin Premer-ministr Oljas Bektenov Pavlodar jáne Abai oblystaryndaǵy orman órtteri úshin laýazymdy tulǵalardy aiyptap, Ekologiia ministrligine kinálilerdi jazalaýdy tapsyrǵan edi, dep habarlaidy Dalanews.kz.
Ekologiia jáne tabiǵi resýrstar ministri Erlan Nysanbaev Morozov orman sharýashylyǵy aýdanyna qarasty «Semei ormany» kásipornynyń jańa basshylyǵyn jaýapty dep esepteidi.
«Tótenshe jaǵdailar ministrligimen birlesip tekserý júrgizdik. Órt týraly der kezinde habar bermegen jaýapty tulǵalarǵa qatysty sharalar qabyldanbaq. Bul týraly eń aldymen Morozov filialynyń basshysy habarlaýy tiis edi», – dedi Nysanbaev Úkimettegi baspasóz máslihatynda.
Órt týraly málimet aldymen «Semei ormany» dispetcherlik pýnktine, keiin oblystyq TJ departamentine, odan soń ministrlikke jáne birikken úilestirý ortalyǵyna jetýi tiis. Bul ortalyqta táýlik boiy orman sharýashylyǵy, tótenshe jaǵdailar qyzmeti jáne basqa qurylymdardyń ókilderi kezekshilik atqarady.
2023 jyly «Semei ormany» aýmaǵynda bolǵan qaiǵyly oqiǵa úshin Ekologiia ministrligi men TJM-niń birqatar sheneýnikteri jaýapkershilikke tartylǵan bolatyn.
