Abai oblysynda 2015 jyly Resei aýmaǵynda jasalǵan kisi ólimi boiynsha tergeý aiaqtaldy, dep habarlaidy dalanews.kz.
Tergeý málimetinshe, tórt adam qymbat kólikti satyp alý syltaýymen onyń iesin kezdesýge shaqyrǵan. Keiin kúdiktiler er adamǵa shabýyl jasap, pyshaq jaraqatyn salǵan, qylmysty jasyrý úshin ony kólikpen qaǵyp ketken. Jábirlenýshi oqiǵa ornynda qaza tapqan.
Jantúrshigerlik qylmystan keiin kúdiktiler kólikti iemdenip, oqiǵa ornynan boi tasalaǵan. Is boiynsha aýqymdy tergeý jumystaryn Abai oblysy PD Tergeý basqarmasynyń tergeýshisi Ajar Sartova júrgizgen. Tergeý barysynda kýágerlerden jaýap alynyp, beinebaqylaý jazbalary men hat almasýlar zerttelgen.
Osylaisha uzaq ýaqyt boiy izdeýde júrgen sońǵy kúdikti 2024 jyly Almatyda ustaldy. Buǵan deiin bul iske qatysy bar úsh adam sottalǵan bolatyn.
Sońǵy aiyptalýshy adam óltirý jáne qaraqshylyq shabýyl jasaǵany úshin kináli dep tanylyp, 17 jylǵa bas bostandyǵynan aiyryldy.
