«Semei ormany» memlekettik tabiǵi rezervaty 3,1 mlrd teńgege satyp alynǵan orman órtin erte anyqtaý júiesine bailanysty «Qazaqtelekommen» sottasyp jatyr, dep habarlaidy dalanews.kz.
BAQ málimetinshe, Ekologiia jáne tabiǵi resýrstar ministrligi rezervattyń merdigermen jasalǵan kelisimshartty birjaqty tártippen buzǵanyn rastady.
Vedomstvonyń málimetinshe, rezervat sottan «Qazaqtelekomdy» memlekettik satyp alýdyń josyqsyz qatysýshysy dep tanýdy jáne aldyn ala tólengen 937,2 mln teńge avansty qaitarýdy talap etip otyr.
Taraptar arasyndaǵy kelisimshart 2025 jylǵy 30 sáýirde jasalǵan. Júieni synaqtan ótkizý kezinde komissiia tútin men órt oshaqtaryn árdaiym der kezinde anyqtai almaǵanyn anyqtaǵan. Sondai-aq jer bederiniń erekshelikterine bailanysty rezervat aýmaǵynyń bir bóligi beinebaqylaý aimaǵynan tys qalǵan.
Ministrliktiń málimetinshe, anyqtalǵan kemshilikterdiń birqatary belgilengen merzimde joiylmaǵan. Osyǵan bailanysty 2025 jylǵy 19 jeltoqsanda kelisimshart buzylǵan.
Óz kezeginde «Qazaqtelekom» bul sheshimge sot arqyly qarsylyq bildirdi. 2026 jylǵy sáýirde sot kelisimshartty birjaqty buzýdy zańsyz dep tanyǵanymen, merdigerdiń mindettemelerdi tiisinshe oryndamaǵanyn jáne júieniń tehnikalyq erekshelik talaptaryna tolyq sáikes kelmeitinin de kórsetken. Qazirgi ýaqytta sot talqylaýy jalǵasyp jatyr.
Daýǵa qaramastan, orman órtin erte anyqtaý júiesi tehnikalyq múmkindigi sheginde paidalanylyp keledi. 2026 jylǵy shildede bolǵan orman órti kezinde ol jerdegi patrýldeý jáne órt baqylaý munaralarymen birge qoldanylǵan.
Buǵan deiin Joǵary aýditorlyq palata da atalǵan júieniń birqatar kemshilikterine nazar aýdarǵan bolatyn. Atap aitqanda, júie túngi ýaqytta órtti kesh anyqtap, kei jaǵdailarda órt oshaqtarynyń naqty koordinattaryn belgileýde qiyndyqtarǵa tap bolǵan.
Sonymen qatar kelisimshart boiynsha tólenýi tiis qalǵan shamamen 2,2 mlrd teńge merdigerge aýdarylmai, respýblikalyq biýdjetke qaitarylǵan.
