«سەمەي ورمانى» مەملەكەتتٸك تابيعي رەزەرۆاتى 3,1 ملرد تەڭگەگە ساتىپ الىنعان ورمان ٶرتٸن ەرتە انىقتاۋ جٷيەسٸنە بايلانىستى «قازاقتەلەكوممەن» سوتتاسىپ جاتىر, دەپ حابارلايدى dalanews.kz.
باق مەلٸمەتٸنشە, ەكولوگييا جەنە تابيعي رەسۋرستار مينيسترلٸگٸ رەزەرۆاتتىڭ مەردٸگەرمەن جاسالعان كەلٸسٸمشارتتى بٸرجاقتى تەرتٸپپەن بۇزعانىن راستادى.
ۆەدومستۆونىڭ مەلٸمەتٸنشە, رەزەرۆات سوتتان «قازاقتەلەكومدى» مەملەكەتتٸك ساتىپ الۋدىڭ جوسىقسىز قاتىسۋشىسى دەپ تانۋدى جەنە الدىن الا تٶلەنگەن 937,2 ملن تەڭگە اۆانستى قايتارۋدى تالاپ ەتٸپ وتىر.
تاراپتار اراسىنداعى كەلٸسٸمشارت 2025 جىلعى 30 سەۋٸردە جاسالعان. جٷيەنٸ سىناقتان ٶتكٸزۋ كەزٸندە كوميسسييا تٷتٸن مەن ٶرت وشاقتارىن ەردايىم دەر كەزٸندە انىقتاي الماعانىن انىقتاعان. سونداي-اق جەر بەدەرٸنٸڭ ەرەكشەلٸكتەرٸنە بايلانىستى رەزەرۆات اۋماعىنىڭ بٸر بٶلٸگٸ بەينەباقىلاۋ ايماعىنان تىس قالعان.
مينيسترلٸكتٸڭ مەلٸمەتٸنشە, انىقتالعان كەمشٸلٸكتەردٸڭ بٸرقاتارى بەلگٸلەنگەن مەرزٸمدە جويىلماعان. وسىعان بايلانىستى 2025 جىلعى 19 جەلتوقساندا كەلٸسٸمشارت بۇزىلعان.
ٶز كەزەگٸندە «قازاقتەلەكوم» بۇل شەشٸمگە سوت ارقىلى قارسىلىق بٸلدٸردٸ. 2026 جىلعى سەۋٸردە سوت كەلٸسٸمشارتتى بٸرجاقتى بۇزۋدى زاڭسىز دەپ تانىعانىمەن, مەردٸگەردٸڭ مٸندەتتەمەلەردٸ تيٸسٸنشە ورىنداماعانىن جەنە جٷيەنٸڭ تەحنيكالىق ەرەكشەلٸك تالاپتارىنا تولىق سەيكەس كەلمەيتٸنٸن دە كٶرسەتكەن. قازٸرگٸ ۋاقىتتا سوت تالقىلاۋى جالعاسىپ جاتىر.
داۋعا قاراماستان, ورمان ٶرتٸن ەرتە انىقتاۋ جٷيەسٸ تەحنيكالىق مٷمكٸندٸگٸ شەگٸندە پايدالانىلىپ كەلەدٸ. 2026 جىلعى شٸلدەدە بولعان ورمان ٶرتٸ كەزٸندە ول جەردەگٸ پاترۋلدەۋ جەنە ٶرت باقىلاۋ مۇنارالارىمەن بٸرگە قولدانىلعان.
بۇعان دەيٸن جوعارى اۋديتورلىق پالاتا دا اتالعان جٷيەنٸڭ بٸرقاتار كەمشٸلٸكتەرٸنە نازار اۋدارعان بولاتىن. اتاپ ايتقاندا, جٷيە تٷنگٸ ۋاقىتتا ٶرتتٸ كەش انىقتاپ, كەي جاعدايلاردا ٶرت وشاقتارىنىڭ ناقتى كوورديناتتارىن بەلگٸلەۋدە قيىندىقتارعا تاپ بولعان.
سونىمەن قاتار كەلٸسٸمشارت بويىنشا تٶلەنۋٸ تيٸس قالعان شامامەن 2,2 ملرد تەڭگە مەردٸگەرگە اۋدارىلماي, رەسپۋبليكالىق بيۋدجەتكە قايتارىلعان.
