Úkimette memlekettik shekaradaǵy kólik ótkizý pýnktterindegi jaǵdai boiynsha jedel keńes ótti, dep habarlaidy dalanews.kz.
Premer-ministrdiń tapsyrmasy boiynsha premer-ministrdiń birinshi orynbasary Nurlybek Nálibaevtyń tóraǵalyǵymen kólik ótkizý pýnktterindegi ahýal jáne kólik aǵynyn uiymdastyrý tiimdiligin arttyrý boiynsha júrgizilip jatqan jumystar jóninde keńes ótti.
Jiynǵa Kólik, Qarjy, Aýyl sharýashylyǵy ministrlikteriniń, Ulttyq qaýipsizdik komiteti Shekara qyzmetiniń jáne "QazAvtoJol" UK" AQ basshylary qatysty.
QR UQK Shekara qyzmeti ókilderiniń memlekettik shekaradaǵy ahýal jáne "Álimbet", "Jaisan", "Syrym" ótkizý pýnktteri arqyly kólik jedel ótýin qamtamasyz etý boiynsha qabyldanyp jatqan sharalar týraly baiandamasy tyńdaldy. Qazaqstan tarapyndaǵy ótkizý pýnktteri táýlik boiy shtattyq rejimde jumys isteidi. Elimizdiń aýmaǵy arqyly ótetin tranzittik tasymal artýyn eskere otyryp, EAEO ishki kontýryndaǵy kólik ótkizý pýnktteriniń ýaqtyly jańǵyrtylýyna baqylaý kúsheitilgeni atap ótildi. Bul baqylaýdan ótý ýaqytyn qysqartady.
Budan bólek, júk tasymaldaýshylarǵa qolaily jaǵdai jasaý maqsatynda basymdyq berilgen ótkizý pýnktteriniń mańynda júrgizýshilerge arnalǵan kútý aimaqtary qurylady. Tiisti jumystardy 2027 jyly aiaqtaý josparlanyp otyr.
Jiyn qorytyndysy boiynsha kólik úzdiksiz jáne jedel ótkizilýin qamtamasyz etý boiynsha tapsyrmalar berildi. Osy maqsatta Kólik ministrligi múddeli memlekettik jáne jergilikti atqarýshy organdarmen birlesip, jedel shtabtar qurdy. Jaǵdai Úkimettiń tikelei baqylaýynda.
