ٷكٸمەتتە مەملەكەتتٸك شەكاراداعى كٶلٸك ٶتكٸزۋ پۋنكتتەرٸندەگٸ جاعداي بويىنشا جەدەل كەڭەس ٶتتٸ, دەپ حابارلايدى dalanews.kz.
پرەمەر-مينيستردٸڭ تاپسىرماسى بويىنشا پرەمەر-مينيستردٸڭ بٸرٸنشٸ ورىنباسارى نۇرلىبەك نەلٸباەۆتىڭ تٶراعالىعىمەن كٶلٸك ٶتكٸزۋ پۋنكتتەرٸندەگٸ احۋال جەنە كٶلٸك اعىنىن ۇيىمداستىرۋ تيٸمدٸلٸگٸن ارتتىرۋ بويىنشا جٷرگٸزٸلٸپ جاتقان جۇمىستار جٶنٸندە كەڭەس ٶتتٸ.
جيىنعا كٶلٸك, قارجى, اۋىل شارۋاشىلىعى مينيسترلٸكتەرٸنٸڭ, ۇلتتىق قاۋٸپسٸزدٸك كوميتەتٸ شەكارا قىزمەتٸنٸڭ جەنە "قازاۆتوجول" ۇك" اق باسشىلارى قاتىستى.
قر ۇقك شەكارا قىزمەتٸ ٶكٸلدەرٸنٸڭ مەملەكەتتٸك شەكاراداعى احۋال جەنە "ەلٸمبەت", "جايسان", "سىرىم" ٶتكٸزۋ پۋنكتتەرٸ ارقىلى كٶلٸك جەدەل ٶتۋٸن قامتاماسىز ەتۋ بويىنشا قابىلدانىپ جاتقان شارالار تۋرالى بايانداماسى تىڭدالدى. قازاقستان تاراپىنداعى ٶتكٸزۋ پۋنكتتەرٸ تەۋلٸك بويى شتاتتىق رەجيمدە جۇمىس ٸستەيدٸ. ەلٸمٸزدٸڭ اۋماعى ارقىلى ٶتەتٸن ترانزيتتٸك تاسىمال ارتۋىن ەسكەرە وتىرىپ, ەاەو ٸشكٸ كونتۋرىنداعى كٶلٸك ٶتكٸزۋ پۋنكتتەرٸنٸڭ ۋاقتىلى جاڭعىرتىلۋىنا باقىلاۋ كٷشەيتٸلگەنٸ اتاپ ٶتٸلدٸ. بۇل باقىلاۋدان ٶتۋ ۋاقىتىن قىسقارتادى.
بۇدان بٶلەك, جٷك تاسىمالداۋشىلارعا قولايلى جاعداي جاساۋ ماقساتىندا باسىمدىق بەرٸلگەن ٶتكٸزۋ پۋنكتتەرٸنٸڭ ماڭىندا جٷرگٸزۋشٸلەرگە ارنالعان كٷتۋ ايماقتارى قۇرىلادى. تيٸستٸ جۇمىستاردى 2027 جىلى اياقتاۋ جوسپارلانىپ وتىر.
جيىن قورىتىندىسى بويىنشا كٶلٸك ٷزدٸكسٸز جەنە جەدەل ٶتكٸزٸلۋٸن قامتاماسىز ەتۋ بويىنشا تاپسىرمالار بەرٸلدٸ. وسى ماقساتتا كٶلٸك مينيسترلٸگٸ مٷددەلٸ مەملەكەتتٸك جەنە جەرگٸلٸكتٸ اتقارۋشى ورگاندارمەن بٸرلەسٸپ, جەدەل شتابتار قۇردى. جاعداي ٷكٸمەتتٸڭ تٸكەلەي باقىلاۋىندا.
