– Búgin biz Reseidiń Ýkrainaǵa jasaǵan agerssiialyq áreketine qarsy altynshy sanktsiialar paketin jariialadyq. Birinshi kezekte – bizder Reseidiń joǵary laýazymdy áskeri qyzmetkerleri men ózge de jaýapty tulǵalarynyń Býcha men Mariýpol qalalarynda adamshylyqqa jatpaityn áreketke jol bergeni úshin olarǵa qarsy sanktsiia jariialap otyrmyz. Bul Kremldiń áskerileri úshin úlken eskertý. Biz olardyń kimder ekenin jaqsy bilemiz. Aldaǵy ýaqytta olar jasaǵan qylmystary úshin jaýap beretin bolady, – dep Ýrsýla fon der Liaien Reseige ses kórsetti.
Sonymen birge EO basshysy Reseidiń eń iri banky «Sberbank» SWIFT júiesinen ajyratylyǵanyn jariia etti.
– Altynshy sanktsiialar paketin orai, Reseidiń jetekshi banky «Sberbank» SWIFT júiesinen ajyratyldy. Bul agressor eldiń qarjy júiesine jasalǵan úlken soqqy. Endi Resei úshin dúniejúzilik qarjy júiesi qoljetimsiz, – dedi Ýrsýla fon der Liaien.
Jańadan qabyldanǵan sanktsiialar paketinde Reseidiń úsh birdei memlekettik arnalarynyń EýroOdaq aýmaǵyna habar taratý quqyǵynan aiyrylǵany málim boldy. Bul jaiynda Ýrsýla fon der Liaien oiyn bylaisha sabaqtady.
– Endi Kremldiń propagandasymen ainalysatyn memlekettik arnalar EýroOdaq aýmaǵyna kabel, spýtnik jáne internet arqyly habar taratýyna tosqaýyl qoiyldy. Reseidiń memlekettik arnalary Pýtinniń jalǵan málimdemelerin taratyp, jurttyń miyn ýlaýyna jol bermeimiz. Osyǵan deiin Resei Eýropa elderiniń bilikti býhgalter, keńesshi jáne piar mamandarynyń qyzmetine júginip kelgen edi. Endi bizdiń tájiribeli mamandar Resei kompaniialaryna qyzmet kórsetpeidi, – dedi EO basshysy.
Budan basqa EýroOdaq Reseidiń munaiynan bas tartý máselesin qarastyryp jatqanyn Ýrsýla fon der Liaien málim etti.
– Qazirgi tańda bizder Resei munaiyn EýroOdaq elderine satýyna tyiym salýdy qarastyrýdamyz. Aldaǵy ýaqytta Reseiden qubyr, teńiz joldarymen keletin munai jáne munai ónimderiniń bárine tyiym salatyn bolamyz. Qazirgi tańda kezeń-kezeńimen Resei munaiynan bas tartýdy jolyn qarastyryp jatyrmyz. Aldaǵy alty aida Reseidiń shiki munaiyn bas tartsaq, jyl aiaǵynda munai ónimderin EO aýmaǵyna tasymaldaýǵa tolyqtai tosqaýyl qoiamyz, – dep EO basshysy josparymen bólisti.
