Basqosýda taraptar taıaýda Saıram aýdanynda Anglıa men Amerıkadan kelgen joǵary dárejeli dárigerlerdiń qatysýymen uıymdastyrylǵan halyqaralyq eriktiler lageri men halyqaralyq medısınalyq konferensıanyń ótkizilýine baılanysty sóz qozǵap, medısına salasyndaǵy ármen qaraıǵy yntymaqtastyq máselesi týraly áńgimelesti. Jıynda halyqaralyq medısına salasyndaǵy naqty is-sharalar jospary egjeı-tegjeıli kelisilip, aldaǵy josparlary baıandaldy.
Sondaı-aq, otyrysta sheteldik qonaqtar oblys basshysyna Elbasynyń "Rýhanı jańǵyrý" Joldaýy aıasynda sheteldik ǵalymdardyń qatysýmen halyqaralyq mádenı, halyqaralyq ǵylymı-praktıkalyq konferensıalardy Túrkistan oblysynda uıymdastyrý boıynsha usynystaryn jetkizdi.
Óz kezeginde, óńir basshysy meımandardyń usynys-tilekterin tolyqtaı qoldaıtynyn aıtyp, bolashaqta birlese jumys isteýge shaqyrdy.
Eske salaıyq, osy jyldyń shilde aıynda Saıram aýdanynda 8 toptan qurylǵan 30 dáriger jergilikti halyqqa tegin medısınalyq kómek kórsetken-di. Atalǵan shara Elbasynyń "Rýhanı jańǵyrý" Joldaýy aıasynda óńir basshysy Janseıit Túımebaevtyń qoldaýymen uıymdastyrylǵan. "Mır cherez dýhovnost qoǵamdyq uıymynyń músheleri oblystyq klınıkalyq aýrýhanada "Halyqaralyq medısınalyq konferensıa" ótkizip, atalǵan medısınalyq mekemeniń jetekshilerimen jáne mamandarymen tájirıbe almasqan.
Túrkistan oblysy ákiminiń baspasóz qyzmeti
