باسقوسۋدا تاراپتار تاياۋدا سايرام اۋدانىندا انگليا مەن امەريكادان كەلگەن جوعارى دارەجەلى دارىگەرلەردىڭ قاتىسۋىمەن ۇيىمداستىرىلعان حالىقارالىق ەرىكتىلەر لاگەرى مەن حالىقارالىق مەديسينالىق كونفەرەنسيانىڭ وتكىزىلۋىنە بايلانىستى ءسوز قوزعاپ، مەديسينا سالاسىنداعى ارمەن قارايعى ىنتىماقتاستىق ماسەلەسى تۋرالى اڭگىمەلەستى. جيىندا حالىقارالىق مەديسينا سالاسىنداعى ناقتى ءىس-شارالار جوسپارى ەگجەي-تەگجەيلى كەلىسىلىپ، الداعى جوسپارلارى باياندالدى.
سونداي-اق، وتىرىستا شەتەلدىك قوناقتار وبلىس باسشىسىنا ەلباسىنىڭ "رۋحاني جاڭعىرۋ" جولداۋى اياسىندا شەتەلدىك عالىمداردىڭ قاتىسۋمەن حالىقارالىق مادەني، حالىقارالىق عىلىمي-پراكتيكالىق كونفەرەنسيالاردى تۇركىستان وبلىسىندا ۇيىمداستىرۋ بويىنشا ۇسىنىستارىن جەتكىزدى.
ءوز كەزەگىندە، ءوڭىر باسشىسى مەيمانداردىڭ ۇسىنىس-تىلەكتەرىن تولىقتاي قولدايتىنىن ايتىپ، بولاشاقتا بىرلەسە جۇمىس ىستەۋگە شاقىردى.
ەسكە سالايىق، وسى جىلدىڭ شىلدە ايىندا سايرام اۋدانىندا 8 توپتان قۇرىلعان 30 دارىگەر جەرگىلىكتى حالىققا تەگىن مەديسينالىق كومەك كورسەتكەن-دى. اتالعان شارا ەلباسىنىڭ "رۋحاني جاڭعىرۋ" جولداۋى اياسىندا ءوڭىر باسشىسى جانسەيىت تۇيمەبايەۆتىڭ قولداۋىمەن ۇيىمداستىرىلعان. "مير چەرەز دۋحوۆنوست" قوعامدىق ۇيىمىنىڭ مۇشەلەرى وبلىستىق كلينيكالىق اۋرۋحانادا "حالىقارالىق مەديسينالىق كونفەرەنسيا" وتكىزىپ، اتالعان مەديسينالىق مەكەمەنىڭ جەتەكشىلەرىمەن جانە ماماندارىمەن تاجىريبە الماسقان.
تۇركىستان وبلىسى اكىمىنىڭ باسپا ءسوز قىزمەتى
