Maqsat – sairamdyq turǵyndardy tolǵandyrǵan máselelermen tanysý jáne «Nur Otan» partiiasynyń «Ózgerister joly: Ár azamatqa laiyqty ómir!» atty sailaýaldy baǵdarlamasyn túsindirý.
Osy maqsatta aýdanǵa arnaiy at basyn burǵan qonaqtardy «Nur Otan» partiiasy Sairam aýdandyq filialy tóraǵasynyń birinshi orynbasary, Sairam aýdandyq sailaýaldy shtabynyń tóraǵasy Almas Ábdiqadyrov aýdannyń tynys-tirshiligimen tanystyrdy.
Túrkistan oblystyq shtab músheleri eń aldymen Sairam aýdany, Qarabulaq aýylynda bolyp, sailaýshylarmen kezdesti. Pikir almasyp, aýyl turǵyndarynyń talap-tilekterin tyńdady. Sondai-aq, partiianyń sailaýaldy baǵdarlamasy jaiynda baiandap berdi.
– «Nur Otan» partiiasynyń «Ózgerister joly: Ár azamatqa laiyqty ómir!» atty sailaýaldy baǵdarlamasy negizgi tórt basymdyqtan turady. Olar – ár azamatqa óz áleýetin júzege asyrý úshin teń múmkindik berý, salamatty ziiatker ult qalyptastyrý, ekonomika men óńirlerdiń ornyqty damýy jáne esep beretin, «halyq únine qulaq asatyn» memleket jáne jaýapty azamattartar sanyn arttyrý.
Baiqap otyrǵandaryńyzdai bul – egjei-tegjeili zerdelengen, shynaiy qujat. Ekonomikadaǵy qiyndyqtarǵa qaramastan, «Nur Otan» Úkimetpen birge aldaǵy bes jyldyqta atalǵan baǵdarlamany oryndaýǵa 21 trillion teńge bólýdi josparlap otyr. Bul bastama azamattyq qoǵam men tolyqqandy memleket qurýǵa baǵyttalǵany aiqyn jáne árbir qazaqstandyqtyń ómir súrý sapasyn arttyrýǵa múmkindik beredi, – dedi B.Tájibaev.
Óz kezeginde qarabulaqtyq turǵyndar aýyldaǵy ózekti máselelerdi ortaǵa saldy. Aǵyn sý, jol, jer jáne úsh aýysymdyq mektepterdiń máselesin tilge tiek etti.
– Bul máselelerdiń barlyǵy partiianyń jumys josparyna engizilip otyr jáne kezeń-kezeńimen oń sheshimin tabatyn bolady. «Nur Otan» partiiasy elimizdiń jetekshi saiasi kúshi retinde halqymyzdyń yntymaǵy, elimizdiń gúldenýi men árbir qazaqstandyqtyń ál-aýqaty úshin jumysyn jalǵastyratyn bolady. Bizdiń mindetimiz – memleketimizdiń árbir turǵynynyń senimin aqtaý, – dedi qonaqtar.
Is-sapar Mankent aýylynda jalǵasyn tapty. «Nur Otan» partiiasy Túrkistan oblystyq filialy tóraǵasynyń birinshi orynbasary, oblystyq máslihat úmitkeri B.Tájibaev bastaǵan nasihattyq top «Esikten esikke» aktsiiasy aiasynda mankenttiktermen kezdesti.
– «Nur Otan» partiiasynyń el igiligi úshin atqaryp jatqan ilkimdi isterin bilemiz. Qurylǵan kúnnen bastap halyqqa qalqysyz qyzmet etip kele jatqan bas partiiaǵa aitarymyz alǵys. Mankent aýyldyq okrýgindegi birneshe másele osy «Nur Otan» partiiasynyń qoldaýymen óz sheshimin tapqan, – dep, batasyn berdi aýyl aqsaqaldary.
Atalǵan azamattar «Nur Otan» partiiasy Sairam aýdandyq filialynyń májilis zalyna at basyn burdy. Munda Aýǵan soǵysy ardagerlerimen kezdesken oblystyq shtab músheleri olardy tolǵandyrǵan máselelerdi tyńdady.
Partiianyń jasap jatqan jumystary úshin alǵys aitatyndaryn alǵa tarta otyryp, qiyn-qystaý sátterde halyqpen birge bolǵan partiiany qashan da qoldaýǵa daiyn ekenderin jetkizdi.
– Aýǵan soǵysy ardagerleri men Semei iadrolyq synaq poligonynan zardap shekken ardagerlerdiń qatary jyl sanap azaiyp keledi. Bizderge beriletin zeinetaqynyń kóterilýine, meditsinalyq kómektiń tegin berilýine yqpal etseńizder, – degen ótinishterin jetkizdi.
– Bul másele boiynsha «Nur Otan» partiiasy Túrkistan oblystyq filialy tóraǵasynyń birinshi orynbasary, oblystyq máslihat úmitkeri Beisen Tájibaev «Bul másele eskerýsiz qalmaidy. Partiia máseleniń ońtaily sheshýilýin qarastyratyn bolady, – dedi.
Aýdan ortalyǵyndaǵy «NIK» saýda ortalyǵynan atbasyn burǵan shtab músheleri saýda ornynyń jai-kúiimen tanysty jáne qyzmetkerlerimen júzdesti. Júzdesý barysynda partiianyń sailaýaldy baǵdarlamasyndaǵy kásipkerlikti qoldaýǵa negizdelgen baǵdarlamasymen tanystyrdy.
Sondai-aq, jahanǵa jaiylǵan pandemiia elimizdegi kásipkerlik salasyn birshama álsiretkeni sózsiz. Sondyqtan partiiamyz zardap shekken biznes sýbektileriniń qyzmetin qalpyna keltirýdi jáne jańalaryn qurý úshin jaǵdai jasaityn bolatynyn jetkizdi.
Dál osyndai kezdesý Qaramurt aýyldyq okrýginde de jalǵasyn taýyp, aýyldyq okrýgtiń qazirgi jai-kúii talqylandy. Qonaqtarymyz óz kezeginde barlyq usynys-pikirlerge den qoiyp, qoiylǵan saýaldarǵa naqty jaýaptaryn berdi.
(Material aqysy «Nur Otan» partiiasynyń Túrkistan oblysy Sairam aýdanynyń Sailaý qorynyń esebinen tólendi)
