ماقسات – سايرامدىق تۇرعىنداردى تولعاندىرعان ماسەلەلەرمەن تانىسۋ جانە «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسىن ءتۇسىندىرۋ.
وسى ماقساتتا اۋدانعا ارنايى ات باسىن بۇرعان قوناقتاردى «Nur Otan» پارتياسى سايرام اۋداندىق فيليالى ءتوراعاسىنىڭ ءبىرىنشى ورىنباسارى، سايرام اۋداندىق سايلاۋالدى شتابىنىڭ ءتوراعاسى الماس ءابدىقادىروۆ اۋداننىڭ تىنىس-تىرشىلىگىمەن تانىستىردى.
تۇركىستان وبلىستىق شتاب مۇشەلەرى ەڭ الدىمەن سايرام اۋدانى، قارابۇلاق اۋىلىندا بولىپ، سايلاۋشىلارمەن كەزدەستى. پىكىر الماسىپ، اۋىل تۇرعىندارىنىڭ تالاپ-تىلەكتەرىن تىڭدادى. سونداي-اق، پارتيانىڭ سايلاۋالدى باعدارلاماسى جايىندا بايانداپ بەردى.
– «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسى نەگىزگى ءتورت باسىمدىقتان تۇرادى. ولار – ءار ازاماتقا ءوز الەۋەتىن جۇزەگە اسىرۋ ءۇشىن تەڭ مۇمكىندىك بەرۋ، سالاماتتى زياتكەر ۇلت قالىپتاستىرۋ، ەكونوميكا مەن وڭىرلەردىڭ ورنىقتى دامۋى جانە ەسەپ بەرەتىن، «حالىق ۇنىنە قۇلاق اساتىن» مەملەكەت جانە جاۋاپتى ازاماتتارتار سانىن ارتتىرۋ.
بايقاپ وتىرعاندارىڭىزداي بۇل – ەگجەي-تەگجەيلى زەردەلەنگەن، شىنايى قۇجات. ەكونوميكاداعى قيىندىقتارعا قاراماستان، «Nur Otan» ۇكىمەتپەن بىرگە الداعى بەس جىلدىقتا اتالعان باعدارلامانى ورىنداۋعا 21 تريلليون تەڭگە ءبولۋدى جوسپارلاپ وتىر. بۇل باستاما ازاماتتىق قوعام مەن تولىققاندى مەملەكەت قۇرۋعا باعىتتالعانى ايقىن جانە ءاربىر قازاقستاندىقتىڭ ءومىر ءسۇرۋ ساپاسىن ارتتىرۋعا مۇمكىندىك بەرەدى، – دەدى ب.تاجىبايەۆ.
ءوز كەزەگىندە قارابۇلاقتىق تۇرعىندار اۋىلداعى وزەكتى ماسەلەلەردى ورتاعا سالدى. اعىن سۋ، جول، جەر جانە ءۇش اۋىسىمدىق مەكتەپتەردىڭ ماسەلەسىن تىلگە تيەك ەتتى.
– بۇل ماسەلەلەردىڭ بارلىعى پارتيانىڭ جۇمىس جوسپارىنا ەنگىزىلىپ وتىر جانە كەزەڭ-كەزەڭىمەن وڭ شەشىمىن تاباتىن بولادى. «Nur Otan» پارتياسى ەلىمىزدىڭ جەتەكشى ساياسي كۇشى رەتىندە حالقىمىزدىڭ ىنتىماعى، ەلىمىزدىڭ گۇلدەنۋى مەن ءاربىر قازاقستاندىقتىڭ ءال-اۋقاتى ءۇشىن جۇمىسىن جالعاستىراتىن بولادى. ءبىزدىڭ مىندەتىمىز – مەملەكەتىمىزدىڭ ءاربىر تۇرعىنىنىڭ سەنىمىن اقتاۋ، – دەدى قوناقتار.
ودان سوڭ، ءىس-ساپار جىبەك جولى اۋىلدىق وكرۋگىندە جالعاستى. اۋىل تۇرعىندارىمەن جۇزدەسكەن پارتيانىڭ وكىلدەرى اۋىلدارداعى نەگىزگى ماسەلەلەردىڭ شەشىلۋىنە اتسالىساتىنان جەتكىزدى. سونداي-اق، «Nur Otan» پارتياسىنىڭ سايلاۋالدى باعدارلاماسىن ناسيحاتتاپ، الداعى كەلە جاتقان ساياسي ناۋقاندا «Nur Otan» پارتياسىن قولداۋعا شاقىردى.
ءىس-ساپار مانكەنت اۋىلىندا جالعاسىن تاپتى. «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى، وبلىستىق ءماسليحات ۇمىتكەرى ب.تاجىبايەۆ باستاعان ناسيحاتتىق توپ «ەسىكتەن ەسىككە» اكسياسى اياسىندا مانكەنتتىكتەرمەن كەزدەستى.
– «Nur Otan» پارتياسىنىڭ ەل يگىلىگى ءۇشىن اتقارىپ جاتقان ىلكىمدى ىستەرىن بىلەمىز. قۇرىلعان كۇننەن باستاپ حالىققا قالقىسىز قىزمەت ەتىپ كەلە جاتقان باس پارتياعا ايتارىمىز العىس. مانكەنت اۋىلدىق وكرۋگىندەگى بىرنەشە ماسەلە وسى «Nur Otan» پارتياسىنىڭ قولداۋىمەن ءوز شەشىمىن تاپقان، – دەپ، باتاسىن بەردى اۋىل اقساقالدارى.
اتالعان ازاماتتار «Nur Otan» پارتياسى سايرام اۋداندىق فيليالىنىڭ ءماجىلىس زالىنا ات باسىن بۇردى. مۇندا اۋعان سوعىسى ارداگەرلەرىمەن كەزدەسكەن وبلىستىق شتاب مۇشەلەرى ولاردى تولعاندىرعان ماسەلەلەردى تىڭدادى.
پارتيانىڭ جاساپ جاتقان جۇمىستارى ءۇشىن العىس ايتاتىندارىن العا تارتا وتىرىپ، قيىن-قىستاۋ ساتتەردە حالىقپەن بىرگە بولعان پارتيانى قاشان دا قولداۋعا دايىن ەكەندەرىن جەتكىزدى.
– اۋعان سوعىسى ارداگەرلەرى مەن سەمەي يادرولىق سىناق پوليگونىنان زارداپ شەككەن ارداگەرلەردىڭ قاتارى جىل ساناپ ازايىپ كەلەدى. بىزدەرگە بەرىلەتىن زەينەتاقىنىڭ كوتەرىلۋىنە، مەديسينالىق كومەكتىڭ تەگىن بەرىلۋىنە ىقپال ەتسەڭىزدەر، – دەگەن وتىنىشتەرىن جەتكىزدى.
– بۇل ماسەلە بويىنشا «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى، وبلىستىق ءماسليحات ۇمىتكەرى بەيسەن تاجىبايەۆ «بۇل ماسەلە ەسكەرۋسىز قالمايدى. پارتيا ماسەلەنىڭ وڭتايلى شەشۋىلۋىن قاراستىراتىن بولادى، – دەدى.
اۋدان ورتالىعىنداعى «نيك» ساۋدا ورتالىعىنان اتباسىن بۇرعان شتاب مۇشەلەرى ساۋدا ورنىنىڭ جاي-كۇيىمەن تانىستى جانە قىزمەتكەرلەرىمەن جۇزدەستى. جۇزدەسۋ بارىسىندا پارتيانىڭ سايلاۋالدى باعدارلاماسىنداعى كاسىپكەرلىكتى قولداۋعا نەگىزدەلگەن باعدارلاماسىمەن تانىستىردى.
سونداي-اق، جاحانعا جايىلعان پاندەميا ەلىمىزدەگى كاسىپكەرلىك سالاسىن ءبىرشاما السىرەتكەنى ءسوزسىز. سوندىقتان پارتيامىز زارداپ شەككەن بيزنەس سۋبەكتىلەرىنىڭ قىزمەتىن قالپىنا كەلتىرۋدى جانە جاڭالارىن قۇرۋ ءۇشىن جاعداي جاسايتىن بولاتىنىن جەتكىزدى.
ءدال وسىنداي كەزدەسۋ قارامۇرت اۋىلدىق وكرۋگىندە دە جالعاسىن تاۋىپ، اۋىلدىق وكرۋگتىڭ قازىرگى جاي-كۇيى تالقىلاندى. قوناقتارىمىز ءوز كەزەگىندە بارلىق ۇسىنىس-پىكىرلەرگە دەن قويىپ، قويىلعان ساۋالدارعا ناقتى جاۋاپتارىن بەردى.
(ماتەريال اقىسى «Nur Otan» پارتياسىنىڭ تۇركىستان وبلىسى سايرام اۋدانىنىڭ سايلاۋ قورىنىڭ ەسەبىنەن تولەندى)
