Bıyl 31 mlrd. teńgeniń ónimi óndirildi. Aýdanda aýyl sharýashylyǵynan bólek, jańa kásiporyndar ashylyp, jumyssyzdar sany da azaıyp keledi. Ónimi suranysqa ıe óndiris oryndary da kóp.
Sonyń biri – kabeldi elektr symdaryn shyǵaratyn zaýyt. Zaýyt jumysy tolyqtaı avtomattandyrylǵanyn aıta ketelik.
Kabeldi elektr symdaryn shyǵarýǵa qajetti shıkizatty zaýyt «Qazaqmys» jáne Shymkenttegi kásiporynǵa jetkizedi. «Bıznestiń jol kartasy 2020» baǵdarlamasy aıasynda júzege asqan jobanyń qýattylyǵy jylyna 7 myń 200 metr sym shyǵarý.
Aǵymdaǵy jyldyń basynan munda 2 jarym myń metr ónim óndirilgen. Tapsyrys búginde qurylysy qarqyn alǵan oblys ortalyǵy Túrkistannan da kóptep túsýde.
Zaýyt tehnology Syrym Panov aıtýynsha qazirgi kúni tapsyrys jetkilikti.
"Ónimderimizdi Qazaqstandaǵy óńirlerge TMD elderinen Ózbekstan Qyrǵyzstan, Túrkimenstanǵa jiberip jatyrmyz. Bolashaqta óndiristi keńeıtip, jańa jumys oryndaryn ashpaqpyz", – deıdi ol.
Arnaıy zatpen qaptalǵan kabeldi elektr symdary jer astynda paıdalanylady. Sýyqqa, ylǵalǵa tózimdi bolǵandyqtan suranys joǵary. Qaptamany mehanıkalyq zaqymnan, tottanýdan qorǵaý úshin qorǵaýysh jamylǵymen oraıdy. Brondy qabat retinde qalyńdyǵy. 0,3 – 0,8 mm bolat lenta paıdalanylady.
