بيىل 31 ملرد. تەڭگەنىڭ ءونىمى ءوندىرىلدى. اۋداندا اۋىل شارۋاشىلىعىنان بولەك، جاڭا كاسىپورىندار اشىلىپ، جۇمىسسىزدار سانى دا ازايىپ كەلەدى. ءونىمى سۇرانىسقا يە ءوندىرىس ورىندارى دا كوپ.
سونىڭ ءبىرى – كابەلدى ەلەكتر سىمدارىن شىعاراتىن زاۋىت. زاۋىت جۇمىسى تولىقتاي اۆتوماتتاندىرىلعانىن ايتا كەتەلىك.
كابەلدى ەلەكتر سىمدارىن شىعارۋعا قاجەتتى شيكىزاتتى زاۋىت «قازاقمىس» جانە شىمكەنتتەگى كاسىپورىنعا جەتكىزەدى. «بيزنەستىڭ جول كارتاسى 2020» باعدارلاماسى اياسىندا جۇزەگە اسقان جوبانىڭ قۋاتتىلىعى جىلىنا 7 مىڭ 200 مەتر سىم شىعارۋ.
اعىمداعى جىلدىڭ باسىنان مۇندا 2 جارىم مىڭ مەتر ءونىم وندىرىلگەن. تاپسىرىس بۇگىندە قۇرىلىسى قارقىن العان وبلىس ورتالىعى تۇركىستاننان دا كوپتەپ تۇسۋدە.
زاۋىت تەحنولوگى سىرىم پانوۆ ايتۋىنشا قازىرگى كۇنى تاپسىرىس جەتكىلىكتى.
"ونىمدەرىمىزدى قازاقستانداعى وڭىرلەرگە تمد ەلدەرىنەن وزبەكستان قىرعىزستان، تۇركىمەنستانعا جىبەرىپ جاتىرمىز. بولاشاقتا ءوندىرىستى كەڭەيتىپ، جاڭا جۇمىس ورىندارىن اشپاقپىز"، – دەيدى ول.
ارنايى زاتپەن قاپتالعان كابەلدى ەلەكتر سىمدارى جەر استىندا پايدالانىلادى. سۋىققا، ىلعالعا ءتوزىمدى بولعاندىقتان سۇرانىس جوعارى. قاپتامانى مەحانيكالىق زاقىمنان، توتتانۋدان قورعاۋ ءۇشىن قورعاۋىش جامىلعىمەن ورايدى. بروندى قابات رەتىندە قالىڭدىعى. 0،3 – 0،8 مم بولات لەنتا پايدالانىلادى.
