Jeke kásipker Sardar Ýsmanov jańa sehti iske qosýǵa óz esebinen 20 mln teńge qarajat jumsaǵan. Seh jumysyn bıyl mamyr aıynyń sońynda bastady. Qajetti qural-jabdyqtar men jıhazdarmen qamtylǵan.
Búgingi tańda sehta 18 myń dana jazdyq jáne 10 myń dana qysqy áskerı kıimge tapsyrys alyp, piship, tigý jumystaryn bastap ketken. Kásiporynda 30 adam turaqty jumyspen qamtylǵan. Tiginshilerdiń ortasha aılyq-jalaqylary 80-90 myń teńgeni quraıdy.
Saıram aýdanynda sátti júzege asyrylyp jatqan jobanyń biri – «Aýyl – el tiregi». Onkúndik aıasynda Mankent aýyldyq okrýginde birqatar jumystar atqaryldy.
Atap aıtqanda, 2 ret senbilik ótkizilip, 15 shaqyrym kóshe boılary jáne 6 shaqyrym aıaq joldary tazartylyp, qýraǵan shópter oryldy.
Okrýg aýmaǵyndaǵy 3 zıarat (mazarat) oryndarynda abattandyrý jumystary júrgizildi. Sonymen qatar kóshelerde 360 túp dekoratıvti aǵash áktelse, 250 baǵana syrlanyp, áktelgen.
Tozyǵy jetken 25 elektr baǵanasy aýystyryldy, 4 dana transformator syrlanyp, qorshaldy. Tazalyq jumystaryna qajetti tehnıkalar jumyldyrylyp, 45 tekshe metr kóleminde kúl-qoqystar shyǵaryldy. Memlekettik mekemeler tarapynan jáne asar jolymen halyqty tarta otyryp, 7 tehnıkanyń kómegimen 1,5 shaqyrym kanal mehanıkalyq tazalaýdan ótkizilgen. Azamattyq qoǵamdy jáne jergilikti ózin-ózi basqarýdy jetildiretin bul jobany turǵyndar da joǵary baǵalap otyr.
