Sairam aýdanynda «25 qazan – Respýblika kúni» merekesine orai saltanatty is-shara uiymdastyryldy. Ulttyq merekeniń mazmuny men máni ashylyp, onda otanshyldyq sezimi dáripteldi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Atalǵan is-sharada aýdan ákimi Arman Sábitov aýdan turǵyndary men qonaqtaryn Respýblika kúnimen quttyqtady.
Sonymen qatar óz salasy boiynsha aýdannyń órkendeýine septigi tigen bir top aýdan turǵyndary men aýyl sharýashylyǵy salasyndaǵy etken eńbegi jáne jetistigi úshin mekemeler, sondai-aq úzdik aýyldyq okrýg ákimderi aýdan basshysynyń qolynan alǵys hat aldy.
Odan keiin, aýdan ákimi Arman Sábituly men aýdandyq máslihattyń tóraǵasy Shamhat Halmýradov aýdannyń ósip-órkendeýi men áleýmettik-ekonomikalyq, mádeni-rýhani damýyna eleýli úles qosqan azamattarǵa Sairam aýdanynyń «Qurmetti azamaty» ataǵyn tabystap, keýdelerine tósbelgi taqty.
Osylaisha, Ulttyq mereke qarsańynda birqatar azamattardyń mereileri ósip, san túrli maqtaý, madaqtaýlarǵa ie boldy.
Merekelik kesh maǵynaly ári mazmundy kontserttik baǵdarlamaǵa ulasty. Teatrlandyrylǵan qoiylymdar usynylyp, qazaqtyń tarihynan syr shertildi. Jinalǵandardyń delebesin qozdyratyn, patriottyq sezimin oiatatyn otanshyldyq baǵytyndaǵy ánder shyrqaldy.
