سايرام اۋدانىندا «25 قازان – رەسپۋبليكا كۇنى» مەرەكەسىنە وراي سالتاناتتى ءىس-شارا ۇيىمداستىرىلدى. ۇلتتىق مەرەكەنىڭ مازمۇنى مەن ءمانى اشىلىپ، وندا وتانشىلدىق سەزىمى دارىپتەلدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
اتالعان ءىس-شارادا اۋدان اكىمى ارمان ءسابيتوۆ اۋدان تۇرعىندارى مەن قوناقتارىن رەسپۋبليكا كۇنىمەن قۇتتىقتادى.
سونىمەن قاتار ءوز سالاسى بويىنشا اۋداننىڭ وركەندەۋىنە سەپتىگى تيگەن ءبىر توپ اۋدان تۇرعىندارى مەن اۋىل شارۋاشىلىعى سالاسىنداعى ەتكەن ەڭبەگى جانە جەتىستىگى ءۇشىن مەكەمەلەر، سونداي-اق ۇزدىك اۋىلدىق وكرۋگ اكىمدەرى اۋدان باسشىسىنىڭ قولىنان العىس حات الدى.
ودان كەيىن، اۋدان اكىمى ارمان ءسابيت ۇلى مەن اۋداندىق ءماسليحاتتىڭ ءتوراعاسى شامحات حالمۋرادوۆ اۋداننىڭ وسىپ-وركەندەۋى مەن الەۋمەتتىك-ەكونوميكالىق، مادەني-رۋحاني دامۋىنا ەلەۋلى ۇلەس قوسقان ازاماتتارعا سايرام اۋدانىنىڭ «قۇرمەتتى ازاماتى» اتاعىن تابىستاپ، كەۋدەلەرىنە توسبەلگى تاقتى.
وسىلايشا، ۇلتتىق مەرەكە قارساڭىندا ءبىرقاتار ازاماتتاردىڭ مەرەيلەرى ءوسىپ، سان ءتۇرلى ماقتاۋ، ماداقتاۋلارعا يە بولدى.
مەرەكەلىك كەش ماعىنالى ءارى مازمۇندى كونسەرتتىك باعدارلاماعا ۇلاستى. تەاترلاندىرىلعان قويىلىمدار ۇسىنىلىپ، قازاقتىڭ تاريحىنان سىر شەرتىلدى. جينالعانداردىڭ دەلەبەسىن قوزدىراتىن، پاتريوتتىق سەزىمىن وياتاتىن وتانشىلدىق باعىتىنداعى اندەر شىرقالدى.
