Maqsat – «Nur Otan» partıasynyń saılaýaldy baǵdarlamasyn nasıhattaý. Aqbaılyq turǵyndardyń turmys-tirshiligimen, tolǵandyrǵan máselelerimen tanysty.
– Jańa baǵdarlama – asa aýqymdy, biraq naqty josparlanǵan, qajetti resýrstarmen qamtamasyz etilgen maqsattar men baǵdarlar jıyntyǵy. Baǵdarlama qazaqstandyqtardyń ómir súrý sapasyn arttyrý, erekshe qajettilikteri bar azamattarǵa qolaıly orta qalyptastyrý, aımaqtardyń ekonomıkalyq áleýetin arttyrý jáne taǵy basqa kóptegen ózekti máselelerdi qamtıdy, – dedi A.Iýsýpov.
Sondaı-aq, Saıram aýdany boıynsha «Nur Otan» partıasynyń saılaýaldy baǵdarlamasyna toqtaldy. Óz kezeginde A.Iýsýpov: «Baǵdarlama jeti basym baǵyttan turady. Olar – ekonomıkalyq turaqty, turǵyndarǵa yńǵaıly ári qolaıly, áleýmettik qyzmetke baǵdarlanǵan aýdan qurý, sondaı-aq jastardy jan-jaqty qoldaý, ashyq jáne esep beretin jergilikti organdar qurý, tarıh pen mádenıetti damytý, turǵyndar úshin qaýipsiz aýdan qalyptastyrý. Ekonomıkalyq turaqty aýdan baǵdarlamasy aıasynda kásipkerlik salasyn qoldaý, aýylsharýashylyq salasyn damytý, sol arqyly turaqty jumys oryndaryn ashý kózdelgen» dedi.
«Nur Otan» partıasynyń jaıly aýdan baǵdarlamasy sheńberinde turǵyndardyń ómir súrý sapasyn arttyrý, turǵyn úımen qamtý, eldi mekenderdiń ınfraqurylymyn damytý josparlanǵan. Aıtalyq, 2025 jylǵa deıin kezektegi 300 otbasy, onyń ishinde jastar men áleýmettik jaǵdaıy tómen azamattar men asa qamqorlyqty qajet etetin otbasylar turǵyn úımen qamtamasyz etý josparlanyp otyr.
Búgingi tańda Saıram aýdanynda 42 eldi mekenniń 41 aýyly ortalyqtandyrylǵan aýyz sýmen qamtamasyz etilgen, ıaǵnı, aýyz sýmen qamty 97,6%-dy quraıdy. Sýmen jabdyqtaý jelileriniń jalpy uzyndyǵy 1321,6 shaqyrym.
– Biz 2025 jylǵa deıin aýdan turǵyndaryn ortalyqtandyrylǵan aýyz sýmen 100% qamtamasyz etý jáne aýyz sý kestemen beriletin eldi mekenderdi úzdiksiz aýyz sýmen qamtý mindetin qoıyp otyrmyz, – dedi «Nur Otan» partıasynyń úmitkeri. Osylaısha Saıram aýdanynda kóptegen jumystar jasalmaqshy, bulardyń barlyǵy 2025 jylǵa deıin kezeń-kezeńimen iske asatynyn A.Iýsýpov tilge tıek etti.
Aksıa aıasynda «Jas Otan» jastar qanatynyń belsendileri turǵyndarǵa «Qazaqstannyń basty 7 jetistigi» men «Nur Otan-ǵa daýys ber», «Jańa jetistikterge birge jetemiz!» atty únparaqtar úlestirdi.
(Materıal aqysy «Nur Otan» partıasynyń Túrkistan oblysy Saıram aýdanynyń Saılaý qorynyń esebinen tólendi)
