سايرام اۋداندىق ءماسليحات دەپۋتاتتىعىنان ۇمىتكەر ابديراسۋل يۋسۋپوۆ «ەسىكتەن ەسىككە» اكسياسى اياسىندا قاراسۋ اۋىلدىق وكرىگى، اقباي ەلدى مەكەنىنىنىڭ تۇرعىندارىمەن جۇزدەستى.

ماقسات – «Nur Otan» پارتياسىنىڭ سايلاۋالدى باعدارلاماسىن ناسيحاتتاۋ. اقبايلىق تۇرعىنداردىڭ تۇرمىس-تىرشىلىگىمەن، تولعاندىرعان ماسەلەلەرىمەن تانىستى.

– جاڭا باعدارلاما – اسا اۋقىمدى، ءبىراق ناقتى جوسپارلانعان، قاجەتتى رەسۋرستارمەن قامتاماسىز ەتىلگەن ماقساتتار مەن باعدارلار جيىنتىعى. باعدارلاما قازاقستاندىقتاردىڭ ءومىر ءسۇرۋ ساپاسىن ارتتىرۋ، ەرەكشە قاجەتتىلىكتەرى بار ازاماتتارعا قولايلى ورتا قالىپتاستىرۋ، ايماقتاردىڭ ەكونوميكالىق الەۋەتىن ارتتىرۋ جانە تاعى باسقا كوپتەگەن وزەكتى ماسەلەلەردى قامتيدى، – دەدى ا.يۋسۋپوۆ.

سونداي-اق، سايرام اۋدانى بويىنشا «Nur Otan» پارتياسىنىڭ سايلاۋالدى باعدارلاماسىنا توقتالدى. ءوز كەزەگىندە ا.يۋسۋپوۆ: «باعدارلاما جەتى باسىم باعىتتان تۇرادى. ولار – ەكونوميكالىق تۇراقتى، تۇرعىندارعا ىڭعايلى ءارى قولايلى، الەۋمەتتىك قىزمەتكە باعدارلانعان اۋدان قۇرۋ، سونداي-اق جاستاردى جان-جاقتى قولداۋ، اشىق جانە ەسەپ بەرەتىن جەرگىلىكتى ورگاندار قۇرۋ، تاريح پەن مادەنيەتتى دامىتۋ، تۇرعىندار ءۇشىن ءقاۋىپسىز اۋدان قالىپتاستىرۋ. ەكونوميكالىق تۇراقتى اۋدان باعدارلاماسى اياسىندا كاسىپكەرلىك سالاسىن قولداۋ، اۋىلشارۋاشىلىق سالاسىن دامىتۋ، سول ارقىلى تۇراقتى جۇمىس ورىندارىن اشۋ كوزدەلگەن» دەدى.

«Nur Otan» پارتياسىنىڭ جايلى اۋدان باعدارلاماسى شەڭبەرىندە تۇرعىنداردىڭ ءومىر ءسۇرۋ ساپاسىن ارتتىرۋ، تۇرعىن ۇيمەن قامتۋ، ەلدى مەكەندەردىڭ ينفراقۇرىلىمىن دامىتۋ جوسپارلانعان. ايتالىق، 2025 جىلعا دەيىن كەزەكتەگى 300 وتباسى، ونىڭ ىشىندە جاستار مەن الەۋمەتتىك جاعدايى تومەن ازاماتتار مەن اسا قامقورلىقتى قاجەت ەتەتىن وتباسىلار تۇرعىن ۇيمەن قامتاماسىز ەتۋ جوسپارلانىپ وتىر.

بۇگىنگى تاڭدا سايرام اۋدانىندا 42 ەلدى مەكەننىڭ 41 اۋىلى ورتالىقتاندىرىلعان اۋىز سۋمەن قامتاماسىز ەتىلگەن، ياعني، اۋىز سۋمەن قامتى 97،6%-دى قۇرايدى. سۋمەن جابدىقتاۋ جەلىلەرىنىڭ جالپى ۇزىندىعى 1321،6 شاقىرىم.

– ءبىز 2025 جىلعا دەيىن اۋدان تۇرعىندارىن ورتالىقتاندىرىلعان اۋىز سۋمەن 100% قامتاماسىز ەتۋ جانە اۋىز سۋ كەستەمەن بەرىلەتىن ەلدى مەكەندەردى ۇزدىكسىز اۋىز سۋمەن قامتۋ مىندەتىن قويىپ وتىرمىز، – دەدى «Nur Otan» پارتياسىنىڭ ۇمىتكەرى. وسىلايشا سايرام اۋدانىندا كوپتەگەن جۇمىستار جاسالماقشى، بۇلاردىڭ بارلىعى 2025 جىلعا دەيىن كەزەڭ-كەزەڭىمەن ىسكە اساتىنىن ا.يۋسۋپوۆ تىلگە تيەك ەتتى.

اكسيا اياسىندا «Jas Otan» جاستار قاناتىنىڭ بەلسەندىلەرى تۇرعىندارعا «قازاقستاننىڭ باستى 7 جەتىستىگى» مەن «Nur Otan-عا داۋىس بەر»، «جاڭا جەتىستىكتەرگە بىرگە جەتەمىز!» اتتى ءۇنپاراقتار ۇلەستىردى.

(ماتەريال اقىسى «Nur Otan» پارتياسىنىڭ تۇركىستان وبلىسى سايرام اۋدانىنىڭ سايلاۋ قورىنىڭ ەسەبىنەن تولەندى)