Jyl basynan 23,7 myń tonna et, 100,5 myń tonna sút, 13,2 mln. dana jumyrtqa óndirilip, sharýalar jemisti eńbek etkeni málim boldy.
Jyl basynan 42 januialyq sút aýlalary (jyldyq jospar 40 birlik), 102 birlik 10-15 bastyq shaǵyn mal bordaqylaý oryndary (jyldyq jospar 100 birlik) ashylǵan. Jalpy búgingi tańda 989 mal bordaqylaý alańdarynda bir mezette 32-33 myń bas mal bordaqylanýda.
Mal bordaqylaý boiynsha Mankent aýyl okrýginde «Nurym Grýpp» seriktestiginiń 10 myń basqa arnalǵan bordaqylaý alańynyń qurylysy qarasha aiynda aiaqtalyp, bastapqy kezeńde 1,5 myń bas mal bordaqylana bastady. Jobanyń quny 3,5 mlrd. teńge, onyń 2,4 mlrd. teńgesi jeke investitsiia quraidy.
Al Aqbulaq aýyl okrýginde «Aqbulaq et ónimderi» JShS-niń 3 myń basqa arnalǵan mal bordaqylaý alańynyń qurylysy aiaqtalyp, qazirgi tańǵa 3 myń bas bordaqylanýda. Budan bólek, Arys aýyl okrýginde «JK Ismailov» 350 basqa arnalǵan jylqy bordaqylaý alańyn iske qosty.
2018 jylǵa 320 tonna mal etin eksporttaý josparlansa, 10 aida 393 tonna mal eti eksportqa shyǵarylǵan. Jalpy, aýyl sharýashylyǵy salasynda 10 ai kóleminde kontseptsiiadaǵy josparlanǵan kórsetkishterge qol jetkizilgen, tiisinshe salaǵa 2,4 mlrd. teńge investitsiia tartylǵan.
Dalanews.kz
