سوڭعى 10 ايدا سايرام اۋدانىندا مال شارۋاشىلىعى سالاسىندا 31،3 ملرد. تەڭگەگە ءونىم ءوندىرىلىپ، ءوسىم 10،7% قۇراعان. وتكەن جىلدىڭ سايكەس كەزەڭىمەن سالىستىرعاندا ءىرى قارا مال باسى 27،5%-عا، قوي مەن ەشكى 1،8%-عا، جىلقى 13،2%-عا، قۇس 8،3%-عا كوبەيگەن.

جىل باسىنان 23،7 مىڭ توننا ەت، 100،5 مىڭ توننا ءسۇت، 13،2 ملن. دانا جۇمىرتقا ءوندىرىلىپ، شارۋالار جەمىستى ەڭبەك ەتكەنى ءمالىم بولدى.

جىل باسىنان 42 جانۇيالىق ءسۇت اۋلالارى (جىلدىق جوسپار 40 بىرلىك)، 102  بىرلىك 10-15 باستىق شاعىن مال بورداقىلاۋ ورىندارى (جىلدىق جوسپار 100 بىرلىك) اشىلعان. جالپى بۇگىنگى تاڭدا 989  مال بورداقىلاۋ الاڭدارىندا ءبىر مەزەتتە 32-33 مىڭ باس مال بورداقىلانۋدا.

مال بورداقىلاۋ بويىنشا  مانكەنت اۋىل وكرۋگىندە  «نۇرىم گرۋپپ» سەرىكتەستىگىنىڭ 10 مىڭ باسقا ارنالعان بورداقىلاۋ الاڭىنىڭ قۇرىلىسى قاراشا ايىندا اياقتالىپ، باستاپقى كەزەڭدە 1،5 مىڭ باس مال بورداقىلانا باستادى. جوبانىڭ قۇنى 3،5 ملرد. تەڭگە، ونىڭ 2،4 ملرد. تەڭگەسى جەكە ينۆەستيسيا قۇرايدى.

ال اقبۇلاق اۋىل وكرۋگىندە «اقبۇلاق ەت ونىمدەرى» ءجشس-نىڭ 3 مىڭ باسقا ارنالعان مال بورداقىلاۋ الاڭىنىڭ قۇرىلىسى اياقتالىپ، قازىرگى تاڭعا 3 مىڭ باس بورداقىلانۋدا. بۇدان بولەك، ارىس اۋىل وكرۋگىندە «جك يسمايلوۆ» 350 باسقا ارنالعان جىلقى بورداقىلاۋ الاڭىن ىسكە قوستى.

2018 جىلعا 320 توننا مال ەتىن ەكسپورتتاۋ جوسپارلانسا،  10  ايدا   393 توننا مال ەتى ەكسپورتقا شىعارىلعان. جالپى، اۋىل شارۋاشىلىعى سالاسىندا 10 اي كولەمىندە كونسەپسياداعى جوسپارلانعان كورسەتكىشتەرگە قول جەتكىزىلگەن، تيىسىنشە سالاعا 2،4 ملرد. تەڭگە ينۆەستيسيا تارتىلعان.



Dalanews.kz