Túrkistan oblys boıynsha aýyl sharýashylǵy salasynda Saıram aýdanynyń úlesi 11,2 paıyzdy quraıdy. Bul málimetten aýdan aýyl sharýashylyǵy sala boıynsha oblys kóleminde top bastap kele jatqanyn baıqaýǵa bolady.
Aǵymdaǵy jyldyń 10 aıynda ósimdik sharýashylyǵynda 22,0 mlrd. teńgege ónim óndirilgen. Jyl basynan 52,3 myń gektar jerge egistik ornalastyrylyp, jospar (50,8 myń ga) 102,9%-ǵa artyǵmen oryndalǵan.
Tamshylatyp sýǵarý jospary 150 gektar jerdi qurasa, oryndalǵany 152,5 gektar aýmaqty qamtyp, jyldyq jospar tolyǵymen oryndaldy.
Jylyjaı salý jospary 10 gektar bolsa, qazirgi tańda salynǵany 3,76 gektardy qurap otyr. Aqsýkent aýylynda «Júzbaev» jeke kásipkerligi 1 gektar ónerkásiptik jylyjaı keshenin iske qosyp, 120 tonna ónim alynǵan. Sonymen qatar, Qarasý aýylynda «Ótemisov» jeke kásipkerligi 1,0 ga fermerlik jylyjaıdy iske qosyp, 80 tonna qıar alyndy.
Budan bólek, tamyz aıynda Qaramurt aýyl okrýginde 8 gektar ónerkásiptik jylyjaı kesheni qurylysy bastalǵan, jyl sońyna deıin iske qosylýy josparlanyp, esebinen jyldyq tapsyrmanyń oryndalýy kútilýde.
Qarqyndy baý egý jospary 50 gektar oryndalǵany 50,6 gektardy qurady. Osylaısha jumys mólsheri belgilengen mejeden 101,2%-ǵa artyq boldy. Qaınarbulaq aýyl okrýgi aýmaǵynda «DALA FRUIT.KZ» JSHS-ne qarqyndy baý egý úshin 50 gektar jer rásimdelip berilgen.
Dalanews.kz
