تٷركٸستان وبلىس بويىنشا اۋىل شارۋاشىلعى سالاسىندا سايرام اۋدانىنىڭ ٷلەسٸ 11,2 پايىزدى قۇرايدى. بۇل مەلٸمەتتەن اۋدان اۋىل شارۋاشىلىعى سالا بويىنشا وبلىس كٶلەمٸندە توپ باستاپ كەلە جاتقانىن بايقاۋعا بولادى.
اعىمداعى جىلدىڭ 10 ايىندا ٶسٸمدٸك شارۋاشىلىعىندا 22,0 ملرد. تەڭگەگە ٶنٸم ٶندٸرٸلگەن. جىل باسىنان 52,3 مىڭ گەكتار جەرگە ەگٸستٸك ورنالاستىرىلىپ, جوسپار (50,8 مىڭ گا) 102,9%-عا ارتىعمەن ورىندالعان.
تامشىلاتىپ سۋعارۋ جوسپارى 150 گەكتار جەردٸ قۇراسا, ورىندالعانى 152,5 گەكتار اۋماقتى قامتىپ, جىلدىق جوسپار تولىعىمەن ورىندالدى.
جىلىجاي سالۋ جوسپارى 10 گەكتار بولسا, قازٸرگٸ تاڭدا سالىنعانى 3,76 گەكتاردى قۇراپ وتىر. اقسۋكەنت اۋىلىندا «جٷزباەۆ» جەكە كەسٸپكەرلٸگٸ 1 گەكتار ٶنەركەسٸپتٸك جىلىجاي كەشەنٸن ٸسكە قوسىپ, 120 توننا ٶنٸم الىنعان. سونىمەن قاتار, قاراسۋ اۋىلىندا «ٶتەمٸسوۆ» جەكە كەسٸپكەرلٸگٸ 1,0 گا فەرمەرلٸك جىلىجايدى ٸسكە قوسىپ, 80 توننا قييار الىندى.
بۇدان بٶلەك, تامىز ايىندا قارامۇرت اۋىل وكرۋگٸندە 8 گەكتار ٶنەركەسٸپتٸك جىلىجاي كەشەنٸ قۇرىلىسى باستالعان, جىل سوڭىنا دەيٸن ٸسكە قوسىلۋى جوسپارلانىپ, ەسەبٸنەن جىلدىق تاپسىرمانىڭ ورىندالۋى كٷتٸلۋدە.
قارقىندى باۋ ەگۋ جوسپارى 50 گەكتار ورىندالعانى 50,6 گەكتاردى قۇرادى. وسىلايشا جۇمىس مٶلشەرٸ بەلگٸلەنگەن مەجەدەن 101,2%-عا ارتىق بولدى. قايناربۇلاق اۋىل وكرۋگٸ اۋماعىندا «DALA FRUIT.KZ» جشس-نە قارقىندى باۋ ەگۋ ٷشٸن 50 گەكتار جەر رەسٸمدەلٸپ بەرٸلگەن.
Dalanews.kz
