Birinshi joba – «Gas Standart System» seriktestiginiń suıyq gaz saqtaıtyn kesheni. Quny 1 mlrd. teńgeni quraıdy. Al, ekinshi nysan «Iýjanka-5» JSHS-niń aýylsharýashylyǵy ónimderin óńdeıtin sehy. Jobanyń quny 100 mln. teńge. Sehta kókónis konservileri daıyndalady. Ótken jyly aýdanda iske qosylǵan kelesi joba - «AHBK» JSHS-niń tigin fabrıkasy. Jobalyq quny 172 mln. teńgeni quraıtyn fabrıkada óndiris oryndarynda eńbek etetin jumysshylarǵa jáne áskerdegi sarbazdarǵa arnalǵan kıimder, tósek oryn jabdyqtary tigiledi. Sondaı-aq, aımaqta «Artezıa» seriktestigi jobalyq quny 30 mln. teńge bolatyn sýsyndarǵa arnalǵan plasıkalyq ydystar shyǵaratyn sehty iske qosqan bolatyn. Budan ózge, iske qosylǵan ınvestısıalyq jobalardyń biri – «Daýt» JSHS-niń sút ónimderin óńdeıtin sehy. Onda qaımaq, súzbe, aıran daıyndalady.
Ótken jyly Saıram aýdanynyń ónerkásip salasynyń úlesi oblys kóleminde 10 paıyzdy qurap, ekinshi orynǵa turaqtady. Jalpy, aýdannyń damý konsepsıasyna sáıkes, ónerkásip salasynyń damý baǵyttary aıqyndalyp, atqarylǵan jumystar nátıjesinde atalǵan salada 40 mlrd. teńgeniń ónimi óndirilgen.
2019 jyly aýdandaǵy ónerkásip ónim kólemin 45,3 mlrd. teńgege jetkizip, 12,5 paıyz ósimge qol jetkizý josparlanyp otyr.
Túrkistan oblysy ákiminiń baspasóz qyzmeti
