ءبىرىنشى جوبا – «Gas Standart System» سەرىكتەستىگىنىڭ سۇيىق گاز ساقتايتىن كەشەنى. قۇنى 1 ملرد. تەڭگەنى قۇرايدى. ال، ەكىنشى نىسان «يۋجانكا-5» ءجشس-نىڭ اۋىلشارۋاشىلىعى ونىمدەرىن وڭدەيتىن سەحى. جوبانىڭ قۇنى 100 ملن. تەڭگە. سەحتا كوكونىس كونسەرۆىلەرى دايىندالادى. وتكەن جىلى اۋداندا ىسكە قوسىلعان كەلەسى جوبا - «احبك» ءجشس-نىڭ تىگىن فابريكاسى. جوبالىق قۇنى 172 ملن. تەڭگەنى قۇرايتىن فابريكادا ءوندىرىس ورىندارىندا ەڭبەك ەتەتىن جۇمىسشىلارعا جانە اسكەردەگى ساربازدارعا ارنالعان كيىمدەر، توسەك ورىن جابدىقتارى تىگىلەدى. سونداي-اق، ايماقتا «ارتەزيا» سەرىكتەستىگى جوبالىق قۇنى 30 ملن. تەڭگە بولاتىن سۋسىندارعا ارنالعان پلاستيكالىق ىدىستار شىعاراتىن سەحتى ىسكە قوسقان بولاتىن. بۇدان وزگە، ىسكە قوسىلعان ينۆەستيسيالىق جوبالاردىڭ ءبىرى – «داۋت» ءجشس-نىڭ ءسۇت ونىمدەرىن وڭدەيتىن سەحى. وندا قايماق، سۇزبە، ايران دايىندالادى.
وتكەن جىلى سايرام اۋدانىنىڭ ونەركاسىپ سالاسىنىڭ ۇلەسى وبلىس كولەمىندە 10 پايىزدى قۇراپ، ەكىنشى ورىنعا تۇراقتادى. جالپى، اۋداننىڭ دامۋ كونسەپسياسىنا سايكەس، ونەركاسىپ سالاسىنىڭ دامۋ باعىتتارى ايقىندالىپ، اتقارىلعان جۇمىستار ناتيجەسىندە اتالعان سالادا 40 ملرد. تەڭگەنىڭ ءونىمى وندىرىلگەن.
2019 جىلى اۋدانداعى ونەركاسىپ ءونىم كولەمىن 45،3 ملرد. تەڭگەگە جەتكىزىپ، 12،5 پايىز وسىمگە قول جەتكىزۋ جوسپارلانىپ وتىر.
تۇركىستان وبلىسى اكىمىنىڭ باسپا ءسوز قىزمەتى
