Táýelsizdik araıyndaǵy jıyrma alty jyl ishinde aýyl sharýashylyǵy boıynsha ónimdilik 46 esege kóterilgen. Aýdanda et, sút ónimderin óndirý men astyq egý kásibi keń tynys alǵan. Biraq aýdandaǵy jer kóleminiń azdyǵy sharýalardyń qulashyn jazyp jumys isteýine biraz kedergi keltirip otyrǵany jasyryn emes. Degenmen, beınetke beıim aýdannyń halqy muny eleń qylmaı, qolda bar múmkindikti paıdalanyp, tynymsyz tirligin atqaryp keledi.
Qazir aýdanda et óndirý isi ilgeri ozyp tr. Túrkistan oblysy men oǵan irgeles jatqan aımaqtardyń dastarhandaǵy ettiń kóbi Saıram aýdanynda óndiriledi.
2017 jyly aýdanda 26 myń tonna et óndirilgen. Bıyl saıramdyq sharýalar et óndirýdi 27 myńǵa tonnaǵa jetkizýdi josparlap otyr.
Qazirgi tańda aýdanda et óndirý boıynsha 913 mal bordaqylaý alańy jumys isteýde. Aýdanda mal bordaqylaý alańdarynda bir mezette 32-33 myń bas mal bordaqylaıtyn múmkindikke ıe. Aýdandyq ákimdiktegi mal sharýashylyǵy jaýapty mamandar aldaǵy jyly sharýalar et óndirýdi bes myń tonnaǵa deıin ulǵaıtýdy kózdep otyrǵanyn alǵa tartty.
Qazirgi tańda aýdandaǵy mal bordaqylaý alańdarynyń 400-i elý basqa deıingi óndiris oryndary, 400 ben 500-diń arasynda 100 óndiristik oryndaryn quraıdy. Atbulaq pen Mankent eldi mekeninde 2000-3000 bastyq mal bordaqylaý alańdary bar. Jýyrda 10 myń bas mal bordaqylaýǵa laıyqtalǵan alań óz jumysyn bastaıdy dep kútilýde.
Elimiz boıynsha eń úlken mal bazary da Saıram aýdanynda ornalasqan. Sondyqtan Saıram aýdanynyń elimiz boıynsha et eksportynda eleýli orynǵa ıe ekenin atap aıtýǵa bolady.
Dalanews.kz
