Qaraǵandy oblysynda aýdandyq máslihat tóraǵasy qyzmettik kabinetinde elektrondy temeki tutynǵany úshin ákimshilik jaýapkershilikke tartyldy, dep habarlaidy dalanews.kz.
Oqiǵa áleýmettik jelide taraǵan videodan keiin belgili bolǵan. Kadrlarda er adamnyń jumys ornynda otyryp, Zoom platformasyndaǵy onlain-keńes kezinde elektrondy temeki shekkeni baiqalady.
Jelige jariialanǵan videoǵa politsiia nazar aýdaryp, tekserý júrgizgen. Nátijesinde kadrdaǵy azamattyń kim ekeni anyqtaldy. Ol Osakarov aýdandyq máslihatynyń tóraǵasy bolyp shyqqan.
Qaraǵandy oblystyq Politsiia departamentiniń málimetinshe, atalǵan derek boiynsha máslihat tóraǵasy ákimshilik jaýapkershilikke tartylyp, oǵan aiyppul salynǵan.
Vedomstvo ókilderi adamnyń atqaratyn qyzmeti, mártebesi nemese qoǵamdaǵy orny zań talaptaryn saqtaý mindetinen bosatpaitynyn atap ótti. Politsiia zań men tártip talaptary barshaǵa birdei qoldanylatynyn eske saldy.
