تاۋەلسىزدىك ارايىنداعى جيىرما التى جىل ىشىندە اۋىل شارۋاشىلىعى بويىنشا ونىمدىلىك 46 ەسەگە كوتەرىلگەن. اۋداندا ەت، ءسۇت ونىمدەرىن ءوندىرۋ مەن استىق ەگۋ كاسىبى كەڭ تىنىس العان. ءبىراق اۋدانداعى جەر كولەمىنىڭ ازدىعى شارۋالاردىڭ قۇلاشىن جازىپ جۇمىس ىستەۋىنە ءبىراز كەدەرگى كەلتىرىپ وتىرعانى جاسىرىن ەمەس. دەگەنمەن، بەينەتكە بەيىم اۋداننىڭ حالقى مۇنى ەلەڭ قىلماي، قولدا بار مۇمكىندىكتى پايدالانىپ، تىنىمسىز تىرلىگىن اتقارىپ كەلەدى.
ءقازىر اۋداندا ەت ءوندىرۋ ءىسى ىلگەرى وزىپ تر. تۇركىستان وبلىسى مەن وعان ىرگەلەس جاتقان ايماقتاردىڭ داستارحانداعى ەتتىڭ كوبى سايرام اۋدانىندا وندىرىلەدى.
2017 جىلى اۋداندا 26 مىڭ توننا ەت وندىرىلگەن. بيىل سايرامدىق شارۋالار ەت ءوندىرۋدى 27 مىڭعا تونناعا جەتكىزۋدى جوسپارلاپ وتىر.
قازىرگى تاڭدا اۋداندا ەت ءوندىرۋ بويىنشا 913 مال بورداقىلاۋ الاڭى جۇمىس ىستەۋدە. اۋداندا مال بورداقىلاۋ الاڭدارىندا ءبىر مەزەتتە 32-33 مىڭ باس مال بورداقىلايتىن مۇمكىندىككە يە. اۋداندىق اكىمدىكتەگى مال شارۋاشىلىعى جاۋاپتى ماماندار الداعى جىلى شارۋالار ەت ءوندىرۋدى بەس مىڭ تونناعا دەيىن ۇلعايتۋدى كوزدەپ وتىرعانىن العا تارتتى.
قازىرگى تاڭدا اۋدانداعى مال بورداقىلاۋ الاڭدارىنىڭ 400ء-ى ەلۋ باسقا دەيىنگى ءوندىرىس ورىندارى، 400 بەن 500ء-دىڭ اراسىندا 100 وندىرىستىك ورىندارىن قۇرايدى. اتبۇلاق پەن مانكەنت ەلدى مەكەنىندە 2000-3000 باستىق مال بورداقىلاۋ الاڭدارى بار. جۋىردا 10 مىڭ باس مال بورداقىلاۋعا لايىقتالعان الاڭ ءوز جۇمىسىن باستايدى دەپ كۇتىلۋدە.
ەلىمىز بويىنشا ەڭ ۇلكەن مال بازارى دا سايرام اۋدانىندا ورنالاسقان. سوندىقتان سايرام اۋدانىنىڭ ەلىمىز بويىنشا ەت ەكسپورتىندا ەلەۋلى ورىنعا يە ەكەنىن اتاپ ايتۋعا بولادى.
Dalanews.kz
