Qazaqstandyq ánshi Dimash Qudaibergen álemge áigili kanadalyq ánshi Selin Dionǵa arnaiy video arnap, onyń shyǵarmashylyǵy ózine úlken shabyt bergenin aitty, dep habarlaidy dalanews.kz.
Dimash uzaq úzilisten keiin sahnaǵa qaita oralǵan Selin Diondy Parijdegi kontsertten kórip, onyń daýysyn qaita estigenine erekshe qýanyshty ekenin jetkizdi. Osydan keiin óner iesi áleýmettik jelidegi paraqshasynda video jariialap, kanadalyq ánshige alǵysyn bildirdi.
"Ádettegidei keremet! Bul videony túsirýimniń sebebi – mýzyka álemine syilaǵan bar dúniesi úshin oǵan alǵys aitqym keldi. Qymbatty Selin, Qudai sizdi qoldasyn. Sizdiń daýsyńyz ben mýzykańyz álemdegi milliondaǵan adamǵa, sonyń ishinde maǵan da shabyt berdi. Barlyǵy úshin raqmet", – dedi Dimash.
Qazaqstandyq ánshi Selin Dionnyń daýsy áli de burynǵydai áserli estiletinin atap ótti.
"Daýsyńyzdyń burynǵydai keremet estilgenine óte qýanyshtymyn. Ózińizdi de syrt kózge kóringendei jaqsy sezinip júrsiz dep shyn júrekten úmittenemin. Taǵy da barlyǵy úshin raqmet. Siz – naǵyz tiri ańyzsyz. Biz sizdi qatty qurmetteimiz ári jaqsy kóremiz. Qudai sizge uzaq ári baqytty ǵumyr násip etsin", – dedi óner iesi.
