قازاقستاندىق ەنشٸ ديماش قۇدايبەرگەن ەلەمگە ەيگٸلٸ كانادالىق ەنشٸ سەلين ديونعا ارنايى ۆيدەو ارناپ, ونىڭ شىعارماشىلىعى ٶزٸنە ٷلكەن شابىت بەرگەنٸن ايتتى, دەپ حابارلايدى dalanews.kz.
ديماش ۇزاق ٷزٸلٸستەن كەيٸن ساحناعا قايتا ورالعان سەلين ديوندى پاريجدەگٸ كونتسەرتتەن كٶرٸپ, ونىڭ داۋىسىن قايتا ەستٸگەنٸنە ەرەكشە قۋانىشتى ەكەنٸن جەتكٸزدٸ. وسىدان كەيٸن ٶنەر يەسٸ ەلەۋمەتتٸك جەلٸدەگٸ پاراقشاسىندا ۆيدەو جارييالاپ, كانادالىق ەنشٸگە العىسىن بٸلدٸردٸ.
"ەدەتتەگٸدەي كەرەمەت! بۇل ۆيدەونى تٷسٸرۋٸمنٸڭ سەبەبٸ – مۋزىكا ەلەمٸنە سىيلاعان بار دٷنيەسٸ ٷشٸن وعان العىس ايتقىم كەلدٸ. قىمباتتى سەلين, قۇداي سٸزدٸ قولداسىن. سٸزدٸڭ داۋسىڭىز بەن مۋزىكاڭىز ەلەمدەگٸ ميلليونداعان ادامعا, سونىڭ ٸشٸندە ماعان دا شابىت بەردٸ. بارلىعى ٷشٸن راقمەت", – دەدٸ ديماش.
قازاقستاندىق ەنشٸ سەلين ديوننىڭ داۋسى ەلٸ دە بۇرىنعىداي ەسەرلٸ ەستٸلەتٸنٸن اتاپ ٶتتٸ.
"داۋسىڭىزدىڭ بۇرىنعىداي كەرەمەت ەستٸلگەنٸنە ٶتە قۋانىشتىمىن. ٶزٸڭٸزدٸ دە سىرت كٶزگە كٶرٸنگەندەي جاقسى سەزٸنٸپ جٷرسٸز دەپ شىن جٷرەكتەن ٷمٸتتەنەمٸن. تاعى دا بارلىعى ٷشٸن راقمەت. سٸز – ناعىز تٸرٸ اڭىزسىز. بٸز سٸزدٸ قاتتى قۇرمەتتەيمٸز ەرٸ جاقسى كٶرەمٸز. قۇداي سٸزگە ۇزاق ەرٸ باقىتتى عۇمىر نەسٸپ ەتسٸن", – دەدٸ ٶنەر يەسٸ.
