Túrkistan oblysy Saıram aýdanynda aǵymdaǵy jyly eldi mekenderdiń ishki kóshelerin ortasha jóndeýden ótkizý úshin aýdandyq búdjet esebinen jalpy uzyndyǵy 59 shaqyrymdy quraıtyn 60 kóshede jol jóndeý jumystary júrgizilip jatyr.

Atap aıtqanda, aýdan ortalyǵy Aqsýkentte 33 kóshe, Aqbulaq, Qarasý jáne Mankent aýyldarynda eki kósheden jalpy 6 kóshe, Qaramurt eldi mekeninde 3, Jibek jolyda 2 kóshe jóndelýde.

Qazirgi tańda, Saıram aýdanynan ótetin oblystyq mańyzy bar birqatar avtomobıl joldary oblystyq komýnaldyq menshikten aýdan qaramaǵyna qabyldanyp, atalǵan joldarǵa qujattamalardy ázirleý jumystary júrgizilip jatyr.  Sondaı-aq, aýyl ákimdikteri esebinen qaralǵan 155,5 myń teńgege Aqsýkent, Qarasý, Qarabulaq, Mankent aýyldarynda uzaqtyǵy 13,5 shaqyrym bolatyn 21 kóshe ortasha jóndeýden ótkizildi.

Budan ózge,  aýdan kólemindegi apatty jaǵdaıdaǵy 3 kópirge ortasha jóndeý jumystaryn júrgizýge aýdandyq búdjet esebinen jóndeý jumystary júrgizilip, aǵymdaǵy jyly tolyq paıdalanýǵa berildi.

 

Túrkistan oblysy ákiminiń baspasóz qyzmeti