Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Saiat Medeýov: "Qazaqta qyzdy qaitarmaýǵa tyrysqan. Ketti me, sol elge ketsin"

Dalanews
Saiat Medeýov: "Qazaqta qyzdy qaitarmaýǵa tyrysqan. Ketti me, sol elge ketsin"
Ánshi Saiat Medeýovtiń buǵan deiin toqal alý máselesine qatysty pikiri qoǵamda qyzý talqyǵa túskeni belgili. Tanymal ánshi Caravan.kz media portalyna bergen suhbatynda sol oiyn taǵy da tolyqtyra tústi. 

— Saiat aǵa, qalai oilaisyz elimizde toqal alýdy bilik tarapynan zańdastyrý múmkin be?

— Men aita almaimyn ony. Múmkin be, múmkin emes pe? Meniń qolymdaǵy dúnie emes. Zańdy bekitetin kimder, depýtattar. Solar qolǵa alyp, solar sheshetin dúnie ǵoi. Biz siiaqty qarapaiym ánshiniń qolynan kelmeidi. Bizdiki halyqtyń áńgimesin aitý, halyqtyń sózin aitý. «Bi aitqan sózdi qul da aitady, biraq bidiń aýyzy dýaly» deidi ǵoi qazaq. Halyqtyń sózi, sony biz joǵarǵy jaqqa jetkizý úshin aitamyz. Biz bi bolmasaq ta áiteýir el arasynda júrgen soń eldiń sózin aitamyz. Ol joǵarǵy jaqtyń qulaǵyna iline me, joq pa ony bilmeimiz.

— Negizi eldiń aitqany ǵana emes, jeke ózińiz de toqal alý máselesin qoldaisyz ba?

— Endi men de eldiń arasynanmyn ǵoi. Eldiń biri menmin. Túptiń túbinde ainalyp kelgen kezde bul urpaq sabaqtastyǵy. Qazir qalai, bir ana ary ketse 3 bala týady odan keiin týǵysy da kelmeidi. Ekinshiden, qazaqta qazir boidaq qyz kóp. Ajyrasqandar kóp. Onyń bári dalada qalý kerek pe? Ony túrik te alady, sheshen de alady. Jaqsy, alyp, adam qylsa meili, qanshama qazaqtyń qyzy shetelge baryp, jylap, elge qaita almai jatyr. Bul bizdiń qazaqtyń namysyna timei me? Tiedi. Sony oilastyrý kerek.

— Sheteldik kúieý balalardyń qaptap ketýi de sizdiń namysyńyzǵa qatty tietin shyǵar.
 — Iá, taǵy bir másele, múmkin memlekettik turǵyda eýroodaqqa kirgen soń bolmaityn shyǵar, biraq degenmen qyzymyzdy qytai alsa, bolmasa túrik, ózbek, qyrǵyz alatyn bolsa, nege bizdiń memleket oǵan azamattyq berý kerek? Qai qazaqtyń Ata-Zańynda bar edi? Qyz jat jurttyq. Ketti, boldy. Kúieý balańa azamattyǵyńdy berme. Qazaqta «Kúieý – dushpan» degen sóz bar. Ketti me sol elge ketsin. Al bizde qytai da qazaqtyń qyzyn alyp, azamattyǵyn alady. Ózbek te sóitedi. Kerisinshe tigen qyzdyń azamattyǵyn alyp qoiatyn bolsa, eshkim basqa ultqa turmysqa shyqqysy kelmeidi. Osydan baryp tárbie buzylady. Tie me sol elge ketsin. Bizdiń qazaqta qyzdy qaitarmaýǵa tyrysqan. Osy zańdy memleket qolǵa alsa deimin. Azamattyq bermeý týraly zań shyǵarsa.

— Saiat aǵa, ózińizde toqal bar ma?

— Men ózimniń otbasym týraly kóp aitpaimyn. Aitqym da kelmeidi. Ol jariia etetin dúnie emes. Ol meniń jeke ómirim.

— Ózińiz qyz ósirip otyrǵan shyǵarsyz? Bolashaqta qyzdaryńyz da bireýge toqal bolamyn dese, sizge aýyr bolmai ma?

— Men qarsy emespin. Eger asyrai alatyn bolsa, jaǵdaiy kelse, úiin áperip, jaǵdaiyn jasap beretin bolsa, nege qarsy bolýym kerek,  qarsy emespin.
Saiat Medeýov Madina Sádýaqasova

Oqi otyryńyz