سايات مەدەۋوۆ: "قازاقتا قىزدى قايتارماۋعا تىرىسقان. كەتتٸ مە, سول ەلگە كەتسٸن"
— سايات اعا, قالاي ويلايسىز ەلٸمٸزدە توقال الۋدى بيلٸك تاراپىنان زاڭداستىرۋ مٷمكٸن بە?
— مەن ايتا المايمىن ونى. مٷمكٸن بە, مٷمكٸن ەمەس پە? مەنٸڭ قولىمداعى دٷنيە ەمەس. زاڭدى بەكٸتەتٸن كٸمدەر, دەپۋتاتتار. سولار قولعا الىپ, سولار شەشەتٸن دٷنيە عوي. بٸز سيياقتى قاراپايىم ەنشٸنٸڭ قولىنان كەلمەيدٸ. بٸزدٸكٸ حالىقتىڭ ەڭگٸمەسٸن ايتۋ, حالىقتىڭ سٶزٸن ايتۋ. «بي ايتقان سٶزدٸ قۇل دا ايتادى, بٸراق بيدٸڭ اۋىزى دۋالى» دەيدٸ عوي قازاق. حالىقتىڭ سٶزٸ, سونى بٸز جوعارعى جاققا جەتكٸزۋ ٷشٸن ايتامىز. بٸز بي بولماساق تا ەيتەۋٸر ەل اراسىندا جٷرگەن سوڭ ەلدٸڭ سٶزٸن ايتامىز. ول جوعارعى جاقتىڭ قۇلاعىنا ٸلٸنە مە, جوق پا ونى بٸلمەيمٸز.
— نەگٸزٸ ەلدٸڭ ايتقانى عانا ەمەس, جەكە ٶزٸڭٸز دە توقال الۋ مەسەلەسٸن قولدايسىز با?
— ەندٸ مەن دە ەلدٸڭ اراسىنانمىن عوي. ەلدٸڭ بٸرٸ مەنمٸن. تٷپتٸڭ تٷبٸندە اينالىپ كەلگەن كەزدە بۇل ۇرپاق ساباقتاستىعى. قازٸر قالاي, بٸر انا ارى كەتسە 3 بالا تۋادى ودان كەيٸن تۋعىسى دا كەلمەيدٸ. ەكٸنشٸدەن, قازاقتا قازٸر بويداق قىز كٶپ. اجىراسقاندار كٶپ. ونىڭ بەرٸ دالادا قالۋ كەرەك پە? ونى تٷرٸك تە الادى, شەشەن دە الادى. جاقسى, الىپ, ادام قىلسا مەيلٸ, قانشاما قازاقتىڭ قىزى شەتەلگە بارىپ, جىلاپ, ەلگە قايتا الماي جاتىر. بۇل بٸزدٸڭ قازاقتىڭ نامىسىنا تيمەي مە? تيەدٸ. سونى ويلاستىرۋ كەرەك.
— شەتەلدٸك كٷيەۋ بالالاردىڭ قاپتاپ كەتۋٸ دە سٸزدٸڭ نامىسىڭىزعا قاتتى تيەتٸن شىعار.
— سايات اعا, ٶزٸڭٸزدە توقال بار ما?
— مەن ٶزٸمنٸڭ وتباسىم تۋرالى كٶپ ايتپايمىن. ايتقىم دا كەلمەيدٸ. ول جارييا ەتەتٸن دٷنيە ەمەس. ول مەنٸڭ جەكە ٶمٸرٸم.
— ٶزٸڭٸز قىز ٶسٸرٸپ وتىرعان شىعارسىز? بولاشاقتا قىزدارىڭىز دا بٸرەۋگە توقال بولامىن دەسە, سٸزگە اۋىر بولماي ما?
— مەن قارسى ەمەسپٸن. ەگەر اسىراي الاتىن بولسا, جاعدايى كەلسە, ٷيٸن ەپەرٸپ, جاعدايىن جاساپ بەرەتٸن بولسا, نەگە قارسى بولۋىم كەرەك, قارسى ەمەسپٸن.
