الماتى وبلىسىندا 2 بٶلمەلٸ پەتەر جالعا الىپ, كٷن كٶرٸپ جٷرگەن وتباسىنىڭ تاعدىرى تۋرالى العاش بولىپ تەلەارنالاردا ايتىلعان بولاتىن. دٸن قىزمەتكەرلەرٸ كٶپبالالى انانىڭ جاعدايى تۋرالى ماتەريالدى كٶرگەن سوڭ بۇل مەسەلەگە بەي-جاي قاراي المادى. نەتيجەسٸندە باسپانانى ارمانداعان كٶپبالالى وتباسى ٷيلٸ بولدى. جاڭا ٷيگە كٶشكەن وتباسىنا باس مٷفتي ەرجان قاجى مالعاجىۇلى ارنايى بارىپ, جاعدايلارىمەن تانىسىپ, ٷيدە تۇتىنۋعا قاجەتتٸ دٷنيەلەردٸ سىي رەتٸندە تابىستادى.
«بٷگٸن اق تٷيەنٸڭ قارىنى جارىلعان كٷن. ٶيتكەنٸ, تەلەارنالاردان كٶمەك سۇراعان كٶپبالالى انا تۋرالى جاڭالىقتى كٶرگەنەن كەيٸن, قول ۇشىن سوزىپ جەردەم بەرەمٸز دەپ شەشتٸك. ەكٸ جارىم ايدا وسى ٷيدٸ سالىپ, وتباسىنىڭ يگٸلٸگٸنە بەرٸپ وتىرمىز. بۇل اتقارىپ جاتقان يگٸ جۇمىستارىمىزدى كٶپشٸلٸككە كٶرسەتپەۋٸمٸزگەدە بولاتىن ەدٸ. بٸراق, بۇل جۇمىس باسقا قالتالى ازاماتتارعا عيبرات بولسا ەكەن دەگەن نيەتٸمٸز بار. اللا تاعالا وسى جانۇياعا بەرەكە بەرسٸن. كٸشتەنتاي بٷلدٸرشٸندەر حالقىنا قىزمەت ەتەتٸن ازامات بولسىن», – دەپ باتاسىن بەردٸ باس مٷفتي ەرجان قاجى مالعاجىۇلى.
بۇعان دەيٸن پەتەر جالداپ, ٶمٸردٸڭ تاۋقىمەتٸن سەزٸنگەن كٶپبالالى وتباسىنىڭ وتاعاسى مارات بايسىنوۆ باس مٷفتي ەرجان قاجى مالعاجىۇلىنا العىس ايتىپ, ريزاشىلىعىن جەتكٸزدٸ. جاڭادان تۇرعىزىلعان 5 بٶلمەلٸ ٷي قالانىڭ شەت جاعىندا, نۇرا ەلدٸمەكەنٸندە ورنالاسسادا, وتباسى ٶز ٷيٸنٸڭ بار بولعانىنا قۋانىپ وتىر.
باسپانا قيىندىعىن باستان ٶتكٸزگەن گٷلنۇر راحىمجانقىزىنىڭ قۋانىشىندا شەك جوق. ٶيتكەنٸ, ەندٸ ەل قاتارلى ٶمٸر سٷرٸپ, بالالارىم قوعامعا پايدالى ازامات بولىپ ٶسسە دەيدٸ. قۋانىشتان كٶزٸنە جاس العان كٶپبالالى انا دٸني باسقارما قايىرىمدىلىق اياسىنداعى شارالاردان قالدىرماي قولداۋ كٶرسەتٸپ كەلە جاتقانىن جەتكٸزدٸ.
ٶز سٶزٸن ٷيگە قالاي قول جەتكٸزگەنٸنەن باستاعان انانىڭ كٶزٸنەن قۋانىشتىڭ نۇرى انىق سەزٸلەدٸ. ٷيلٸ بولعان انا بالالار ٶز شاڭىراعىنان شىعىپ مەكتەپگە بارعانعا قۋاناتىنىن ايتادى.
«يمامدار كەلٸپ ٷي سالىپ بەرەمٸز دەگەندە قاتتى قۋاندىم. قۋانىشتى حاباردى بالالارعا كەلٸپ ايتقانىمدا «ۋاقىتىندا كٶرەمٸز انا, اسىقپاڭىز» دەدٸ. بٸراق, ٷي سالىنىپ بولعان سوڭ العاش قونىستانعانىمىزدا بالالاردىڭ شاتتىعىندا شەك بولعان جوق. بالالار ٶز ٷيٸنەن شىعىپ مەكتەپگە بارعانعا ريزا. مەكتەپكە دەيٸنگٸ دايىندىق سىنىبىندا وقيتىن رامازان ەسٸمدٸ بالام جەكسەنبٸ كٷنٸ «ەرتەن ساباققا بارامىن» دەپ قاتتى قۋانادى. بۇدان اسقان باقىت بارما?! بٸر ارالىقتا كٷيەۋٸم اۋىرىپ, تٶسەكتەن تۇرا الماي قالعاندا قاتتى قينالدىق. 15 جىل پەتەر جالداپ تۇردىق. ٸزگٸ جانداردىڭ دەمەۋٸمەن ەندٸ بەرٸ ارتتا قالدى. يماندى, مەيٸرٸمدٸ جاندارعا العىس ايتامىن», – دەيدٸ كٶپبالالى انا گٷلنۇر راحىمجانقىزى.
بۇل وتباسى ٷشٸن ەندٸ بەرٸ ارتتا قالدى. سەبەبٸ بٷگٸندە ول جاڭا باسپاناعا قول جەتكٸزٸپ, قونىس تويىن تويلاۋدا. تەك قانا باسپانا ەمەس, وتاعاسىنىڭ اۋىل شارۋاشىلىعىمەن شۇعىلدانۋعا نيەتٸ بارىن بٸلگەن دٸن قىزمەتكەرلەرٸ بۇزاۋلى سيىر دا ساتىپ ەپەرگەن. ٷي شارۋاسىمەن اينالىساتىن وتاعاسى 2-توپتاعى مٷگەدەك. ال, جۇبايى گٷلنۇر راحىمجانقىزى قالادا بٸر مەكەمەدە تازالىقشى بولىپ جۇمىس جاسايدى. ەندٸ دٸن قىزمەتكەرلەرٸ كٶپبالالى انانى جاقىن جەردەگٸ مەكەمەلەردٸڭ بٸرٸنە تۇراقتى جۇمىسقا ورنالاستىرىپ بەرمەك.
نۇرا ەلدٸمەكەنٸندە ٷي اۋىز سۋ, جارىق سەكٸلدٸ مەسەلە ٶز شەشٸمٸن تاپقان. جاڭا قونىسقا كٶشكەن وتاعاسى ەندٸ ٷيٸنٸڭ الدىنا قاقپا ورناتۋدى جوسپارلاپ وتىر. ٷي ٷلكەن جولعا جاقىن ورنالاسقان جەنە مال شارۋاشىلىعىمەن شۇعىلدانۋعا قولايلى.
يگٸ شاراعا باس مٷفتيمەن بٸرگە تالعار اۋدانى, نۇرا اۋىلدىق وكرۋگٸنٸڭ ەكٸمٸ دانييار كٷنگەي, الماتى قالاسىنىڭ باس يمامى نۇربەك ەسماعانبەت, قمدب ٸس باسقارۋشىسى ەربوسىن ورىن, «زەكەت» قورىنىڭ ديرەكتورى ەلٸشەر سپانوۆ قاتىستى.
