"Toqaev Lýkashenkony nege quttyqtady? Meniń arnama jazylýshylardyń kóbisi maǵan osyndai saýal tastaidy", - dep jazady Oraǵali Selteev Telegram-arnasynda.
- Bizdiń memlekettik apparat pen halyqaralyq qatynastar júiesi Qazaqstan aýmaǵynda qalai áreket etetin jaqsy bilemin, sondyqtan saiasi pragmatizm men realizmniń qoldaýshysy retinde bul ustanymnyń naqty aspektilerine toqtala keteiin:
Birinshiden, saiasatkerdi sailaýdaǵy jeńisimen quttyqtaý - jalpy diplomatiialyq atribýt. Bul, ásirese ekijaqty tyǵyz qarym-qatynas ornatqan memleketter úshin zańdylyq ispetti.
Bul jerde Qasym-Jomart Toqaev, máselen Lýkashenkony nemese Zelenskiidi quttyqtap jatyr ma, arasynda eshqandai aiyrmashylyq joq. Esterińizde bolsa, 2019 jyly Nursultan Nazarbaev Memleket basshysy bolyp turǵan kezd bilikke barqyt tóńkerisi nátijesinde kelgen Armeniia premer-ministri Nikol Pashiniandy da quttyqtaǵan.
Ekinshiden, mundai sypaiy izettilik postkeńestik keńistiktegi saiasi elitalar arasynda 30 jyl boiy dástúrli qubylysqa ainalǵan. Sonymen qatar, bul arada EAEO, UQShU jáne TMD sheńberindegi seriktestik faktory da mańyzdy ról atqarady. Bul uiymdardyń músheleri bir-birin, eń joǵary laýazymǵa qaita sailanǵan kóshbasshyny basqa memleketterden buryn quttyqtaýǵa tyrysady. Bul djentelmender klýbynyń ashyq aitylmaityn, biraq mindetti túrde oryndalýy tiis erejeleri ispetti nárse. Máselen, Lýkashenkony Pýtin, Mirziioev, tipti sol Pashiniannyń ózi de quttyqtady.
Úshinshiden, joǵary laýazymdy tulǵalardyń sailaýdaǵy jeńisine arnalǵan quttyqtaý jedelhattaryn jiberý protsesi - standartty algoritm. Mundai mátinderdi Prezident Ákimshiliginiń syrtqy saiasat bólimi birneshe shablon boiynsha aldyn-ala daiyndaidy.
Sodan soń osy shablonǵa tek jariialanǵan nátijedegi jeńiske ie adamnyń aty-jóni engizilip, joldana salady. Iaǵni, ol mátinde Lýkashenkonyń da, Tihanovskaianyń da aty-jóni bolý múmkindigi birdei bolǵan. Degenmen Prezident Ákimshiliginiń qyzmetkerleri mátinge jaǵdaiǵa sai sózder oilastyrýy kerek edi. Sondyqtan, Toqaevtyń osy qurylymdyq bólimge qatysty óz syny bolýy da yqtimal. Bul rette qazirgi sáttegi jaǵdailardy eskere otyryp, taldaý men boljamnyń sapasyn jaqsartý qajet. Sonymen qatar, AP saiasi saraptamany usynýdyń balama kózderin keńeitýi kerek. Jalpy alǵanda, naqty saiasi protsester degenimiz osy.
Endi, eń bastysy. Diplomatiialyq akt retindegi mundai standartty quttyqtaýlar Belarýs biligi tarapynan jasalǵan barlyq zańsyz áreketterdi qoldaýdy bildirmeidi.
Bizdiń memlekettik apparattaǵylar áriptes memlekettegi jaǵdaidyń osyndai deńgeige deiin ýshyǵatynyn, Lýkashenkonyń osyndai radikaldy tótenshe qadamdarǵa baratynyn kútken de, boljaǵan da joq, oǵan senimdimin,
Qoǵamdaǵy qubylystar men belgilerdiń barlyq spektrine súiene otyryp, eger Lýkashenko áli de biraz ýaqytqa deiin bilik basynda otyrsa-daǵy, odan halyqaralyq qaýymdastyqtyń teris ainala bastaityndyǵyna senimdimin".
